Willeke van der Plas is direkteur behannelsaken by Van Andel âlderenpsychiatry en 'Herstel en Behandeling'. Der is in soad feroare yn de soarch. Net eltse feroaring hat goed west foar de pasjint. Ynsichten feroarje en dat is mar goed ek, fynt Willeke. Je moat ek witte wat je net witte, seit se. Hoe sit it no mei de relaasje tusken harsens en de terms?

Mirjam de Groot is trajektbegelieder by it VIP-team (Vroegtijdige Interventie Psychoses). Wat is nedich om werom te kearen nei wurk, of better noch, om oan it wurk te bliuwen? Wat docht it mei dy ast út dyn deistige struktuer rekkest? En wat docht corona mei dy struktuer?

It binne kleurrike types dêr't se mei wurket en dat fynt se prachtich. Martje Yntema giet foar har wurk as spesjalistysk ferpleechkundige by de GGZ in soad de strjitte op. De maatskippij is bêst yngewikkeld, en dus begrypt se hiel goed dat minsken fêst rinne. Ek sy kin nachts wol pikerje, hoe giet se dêr mei om?

Tiny Altena is sosjaal psychiatrysk ferpleechkundige op de IHT, de intensive home treatment. De IHT is der op rjochte om safolle mooglik foar te kommen dat minsken opnommen wurde. Mar is thús behannelje dan safolle better?

Sietze Ketelaar rydt op de rapid responder. In ambulanse sûnder toeters of bellen, dy't nei meldings oer betize minsken giet. Wat komt hy tsjin? En wêrom giet er net mei pensjoen?

Yn 'Fan binnenút' praat programmamakker Miranda Werkman ien op ien mei helpferlieners fan de GGZ. Hoe sjogge sy nei de taname fan it tal meldings oer betize persoanen? Wat is der feroare yn har wurk, de maatskippij en it belied? Wêrom krijt de ien it wol en de oar net? En hoe kwetsber binne se sels?