[English version below]

Tá na hainmhithe ar Fheirm an Mhainéir ag fulaingt le fada faoi thíorántacht an fheirmeora Ó Ceallaigh. Tá súil acu le saol eile, áfach, an fheirm a bheith faoi cheannas na n-ainmhithe féin, saor ó smacht na ndaoine. Éiríonn siad amach, cuireann siad an feirmeoir chun bóthair, agus glacann siad seilbh ar an bhfeirm. Feirm na nAinmhithe a thugtar uirthi anois, gach ainmhí comhionnann agus ag obair le chéile. An féidir leo an aisling a choinneáil beo? Nó an bhfuil rud eile ar fad ar intinn ag na muca, b'fhéidir?

Tá taitneamh á bhaint le blianta fada as scéal iontach George Orwell faoi réabhlóid na n-ainmhithe, agus ceachtanna le baint as maidir le réabhlóidí de. Anois, tá Feirm na nAinmhithe le léamh i nGaeilge agus tá scríbhinní le Orwell faoi chúlra an leabhair le fáil mar aguisín, chomh maith le hiarfhocal ag an aistritheoir Aindrias Ó Cathasaigh a fhiosraíonn polaitíocht an scéil.

Láithreoir: Seán Ó Catháin

Aíonna: Deirdre Ní Fhloinn agus Oisín Montanari

[Leagan Gaeilge thuas]

Orwell’s Animal Farm translated into Irish. 'Feirm na nAinmhithe' tells the story of a group of farm animals who rebel against their human farmer, hoping to create a society where the animals can be equal, free, and happy.

Presenter: Seán Ó Catháin

Guests: Deirdre Ní Fhloinn and Oisín Montanari