Fríhöfnin - jólaþættir

Í síðasta þætti Loftslagsþerapíunnar skoðum við pólitíkina í kringum loftslagsmálin og spyrjum okkur hvort hún sé hluti af lausninni eða standi í vegi fyrir henni. Við fikrum okkur fram og til baka frá grasrótinni að Parísarsamkomulaginu og leitum lausna, alls staðar á öllum tímum sólarhringsins. Það er eðlilegt að festast í ómöguleikanum þegar kemur að loftslagsmálunum, en lausnirnar eru til, í alvöru. Meðal viðmælenda í þættinum eru Katrín Jakobsdóttir, forsætisráðherra, Unnur Brá Konráðsdóttir og Eggert Benedikt Guðmundsson, sem saman leiða samstarfsvettvang stjórnvalda og atvinnulífs í loftslagsmálum, Auður H. Ingólfsdóttir, alþjóðastjórnmálafræðingur, Halldór Þorgeirsson, formaður loftslagsráðs stjórnvalda, meðlimir í grasrótarhópi Landverndar, Justine Vanhalst, sameindalíffræðingur, Vigdís Hauksdóttir, borgarfulltrúi Miðflokksins, Árni Finnsson, formaður Náttúruverndarsamtaka Íslands og Geirharður Þorsteinsston, talsmaður Extinction Rebellion á Íslandi. Á næstunni verða lengri útgáfur viðtala og ítarefni sem ekki komst að í þáttunum sett inn á hlaðvarpið, viðtalið við Katrínu Jakobsdóttur þar á meðal.

Loftslagsvandinn er að mörgu leyti siðferðislegur vandi. Sumir hafa kallað hann siðferðisstorm. Í þessum þætti af Loftslagsþerapíunni kryfjum við loftslagsvandann með hjálp siðfræði og trúarbragða.

Afneitunin er hál og marglaga og þrífst best í upplýsingaóreiðu. Við höfum sterka tilhneigingu til að loka augunum fyrir loftslagsvandanum eða hreinlega afneita honum.

Í öðrum þætti Loftslagsþerapíunnar er hlegið og grátið. Fjallað er um hvernig loftslagsvandinn tengist líðan okkar og geðheilsu og hvernig hægt er að lifa með honum. Það finna margir fyrir kvíða, reiði, sorg eða vanmætti gagnvart loftslagsvandanum. Það er skiljanlegt en það er verra ef tilveran verður samfellt kvíðakast eða þrálátar hugsanir keyra okkur í þunglyndi.

Í fyrsta þætti Loftslagsþerapíunnar er horfir þáttastjórnandi í tilvistarkreppu til fortíðar og framtíðar. Í fyrri hluta þáttarins er saga loftslagsumræðunnar rakin í stórum dráttum og sett í samhengi við líf okkar sem lifum í dag. Í síðari hluta hans er rætt við vísindamenn um stöðuna, hversu alvarleg hún er í raun og hvers vegna vísindamenn vilja ekki hugsa um áhrif fjögurra eða fimm gráðu hlýnunnar.

Eiríkur Guðmundsson tekur á móti góðum gestum sem segja sögur frá árinu sem senn er á enda runnið. Gestir í hljóðstofu eru Margrét H. Blöndal myndlistarkona, Margrét Örnólfsdóttir rithöfundur og tónlistarkona, Ragnar Helgi Ólafsson, myndlistarmaður og rithöfundur, og Bragi Ólafsson rithöfundur.

Þegar Einar Benediktsson skáld lést var heili hans fjarlægður og settur í formalín í þágu vísindanna. En hvar er hann nú? Anna Marsibil Clausen leitar heilans og skoðar þjóðsöguna, geymslu og gleymsku með aðstoð Ólafar Nordal listakonu, ættmenna skáldsins og annarra sem á leið hennar verða.

Þegar Einar Benediktsson skáld lést var heili hans fjarlægður og settur í formalín í þágu vísindanna. En hvar er hann nú? Anna Marsibil Clausen leitar heilans og skoðar þjóðsöguna, geymslu og gleymsku með aðstoð Ólafar Nordal listakonu, ættmenna skáldsins og annarra sem á leið hennar verða.

Þegar Einar Benediktsson skáld lést var heili hans fjarlægður og settur í formalín í þágu vísindanna. En hvar er hann nú? Anna Marsibil Clausen leitar heilans og skoðar þjóðsöguna, geymslu og gleymsku með aðstoð Ólafar Nordal listakonu, ættmenna skáldsins og annarra sem á leið hennar verða.