Farið er í göngutúr í Molenbeek, einu alræmdasta og umtalaðasta hverfi álfunnar. Guðmundur Björn Þorbjörnsson ræðir við íbúa í Brussel um sjálfsmynd, þjóðerniskennd, illsku og hversu flókið verkefni það er að vera manneskja. Fyrri þáttur.

Umsjón: Guðmundur Björn Þorbjörnsson.

Í tuttugasta og fyrsta skipti ég segi þér!

Reynslusaga af tilraun til að bjarga heiminum, aftur.

Það dynja á okkur fréttir af allskyns hörmungum alla daga ársins. Stríð, hryðjuverk, náttúruhamfarir og stórslys, svo það helsta sé nefnt. Í þættinum ætlum að fjalla um heimsviðburðina og hvernig þeir hreyfa við tilfinningalífi okkar. Við ræðum m.a. við húsmóður á Reyðarfirði, heimsækjum nemendur í samfélagsfræði við Glerárskóla á Akureyri, kynnum okkur sjónarhorn sálfræðinnar á áhrif fréttaflutnings á sálarlíf ungs fólks og ræðum við Birgi Guðmundsson, stjórnmálafræðing.

Umsjón: Svavar Jónatansson.

Í tuttugasta og fyrsta skipti ég segi þér!

Reynslusaga af tilraun til að bjarga heiminum, aftur.

Það dynja á okkur fréttir af allskyns hörmungum alla daga ársins. Stríð, hryðjuverk, náttúruhamfarir og stórslys, svo það helsta sé nefnt. Í þættinum ætlum að fjalla um heimsviðburðina og hvernig þeir hreyfa við tilfinningalífi okkar. Við ræðum m.a. við húsmóður á Reyðarfirði, heimsækjum nemendur í samfélagsfræði við Glerárskóla á Akureyri, kynnum okkur sjónarhorn sálfræðinnar á áhrif fréttaflutnings á sálarlíf ungs fólks og ræðum við Birgi Guðmundsson, stjórnmálafræðing.

Umsjón: Svavar Jónatansson.

(Frá 2016)

Ísold Uggadóttir kvikmyndaleikstjóri hefur leikstýrt og framleitt fjölda stuttmynda í rúman áratug. Ísold vinnur nú að sinni fyrstu kvikmynd í fullri lengd, Andið eðlilega, ásamt framleiðslufyrirtækinu Zik Zak. Kvikmyndin verður tekin upp í haust og hefur hlotið styrk frá Kvikmyndamiðstöð Íslands. Umsjón: Vera Sölvadóttir.

(Frá 2015)

Benedikt Erlingsson leikari, leikstjóri og kvikmyndagerðarmaður er tekinn tali. Eins og kunnugt er hefur Benedikt skapað sér sess sem leikari og leikstjóri í leikhúsum en kvikmynd Benedikts, Hross í Oss, kom honum á kortið sem einum helsta kvikmyndaleikstjóra landsins. Hann vinnur nú að annarri kvikmynd sinni í fullri lengd Fjallkona fer í stríð.

Umsjón: Vera Sölvadóttir.

(Frá 2016)

Eva Sigurðardóttir hefur framleitt fjölda stuttmynda, heimildamynda og komið að framleiðslu íslenskra kvikmynda. Eva Stofnaði framleiðslufyrirtækið Askja Films árið 2013 en áður bjó hún og starfaði við kvikmyndaframleiðslu í Bretlandi. Eva leikstýrði og framleiddi stuttmyndina “Regnbogapartý“ sem hlaut meðal annars stuttmyndaverðlaun Alþjóðlegu Kvikmyndahátíðarinnar í Reykjavík og Edduverðlaun fyrir bestu stuttmynd þessa árs.

Umsjón: Vera Sölvadóttir.

(Frá 2016)

Fjallað er um kvikmyndaleikstjórann Grím Hákonarson.

Grímur hefur leikstýrt stuttmyndum, heimildarmyndum og tveimur kvikmyndum í fullri lengd. Síðasta kvikmynd Gríms, Hrútar, hefur sópað að sér verðlaunum undanfarið ár og vakið verðskuldaða athygli á alþjóðlegum vettvangi. Sigurganga myndarinnar hófst á kvikmyndahátíðinni í Cannes á síðasta ári þegar hún vann til Un Certain Regard verðlaunana.

Umsjón: Vera Sölvadóttir.

(Frá 2016)

Í þættinum er fjallað um umfangsmikla áróðursstarfsemi hryðjuverkasamtakanna sem kenna sig við Íslamskt ríki á vefnum. Samtökin og liðsmenn þeirra hafa vakið athygli fyrir að nýta sér samfélagsmiðla og netið til hins ýtrasta til að koma boðskap sínum á framfæri, hvetja aðra til að ganga til liðs við samtökin og segja frá lífinu á yfirráðasvæði þeirra.

Umsjón: Vera Illugadóttir.

(Frá 2016)

Þátturinn er helgaður strengjum, ám og tímanum en þó fyrst og fremst hinni almennu afstæðiskenningu Alberts Einstein sem fagnar um þessar mundir aldarafmæli. Í kenningunni sem umbylti hugmyndum vísindanna um tíma og rúm þegar hún kom fram á sjónarsviðið árið 1916 er ekki litið svo á að þyngdarkraftar verki milli hluta heldur er þyngdaráhrifum lýst út frá rúmfræðilegum eiginleikum tíma og rúms.

Rannsóknir Einsteins voru aðeins upphafið að æsispennandi ferðalagi vísindanna inn í kjarna efnisins og út í stærstu stjörnuþokur. Kenningar strengjafræðinnar gætu útskýrt tengsl þyngdaraflsins við annan frumkraft alheimsins, rafsegulmagnið og kollvarpað hugmyndum okkar um alheiminn enn á ný. Strengjafræðingar telja að frumeindir efnisins séu hvorki atóm, eindir né kvarkar heldur agnarsmáir orkustrengir sem titra í fjölmörgum víddum handan tíma og rúms.

Tónlistarmaðurinn Tómas R. Einarsson leggur til tónlistina í Strengjasvítuna um árnar og tímann og ræðir um strengi kontrabassans, ánna og lækjanna og strenginn á milli sín og fortíðarinnar. Fiðlusmiðurinn Hans Othar Jóhannsson tekur á móti hlustendum á fiðluverkstæði sínu á Ingólfsstræti í Reykjavík og fléttast raddir þeirra Tómasar við texta úr skáldsögu Alans Lightman, Drauma Einsteins um leið og Lárus Thorlacius eðlisfræðingur leiðir hlustendur um undraveröld eðlisfræðinnar.

Á fiðlunni sem Einstein lék á eru fjórir strengir, rétt eins og í kontrabassanum. Í þessum þætti eru líka nokkrir strengir sem fléttast allir í kring um tímann og inn í eilífðina.

Umsjón: Marteinn Sindri Jónsson.

(Frá 2016)

Flestir Íslendingar notast við samfélagsmiðla. Fjallað er um þá umræðu sem gjarnan á þar stað og hvernig samspil samfélagsmiðla og hefðbundinna miðla er um þessar mundir. Þeir sem rætt er við í þættinum eru: Snæbjörn Ragnarsson samfélagsmiðlafulltrú á Pipar TBWA auglýsingastofu

Guðni Elísson prófessor í almennri bókmenntafræði við Háskóla Íslands, Ingibjörg Dögg Kjartansdóttir ritstjóri Stundarinnar, Frank Hall dagskrárstjóri á Rás Tvö.

Umsjón: Dagur Gunnarsson.

(Frá 2016)