Sagan af passíu Krists, píslargangan frá skírdagskvöldi til myrkvunar himnanna eftir dauða hans á krossinum á föstudaginn langa, hefur verið listamönnum af öllum toga óþrjótandi uppspretta í margar aldir og þau hafa klædd þessa skelfingargöngu í búning fagurra og magnþrunginna tóna orða og lita. Hér verður þessi saga fyrst og fremst sögð í tónum, en sagan var í upphafi sögð með orðum og því er samspil tónlistar og hinnar orðuðu sögu efni þáttarins. Orðið strengur er margfalt í roðinu og hér verða ýmsir strengir raktir. Strengur tónsmíða, allt frá barokki til 20a, strengir djúpra og erfiðra tilfinninga verða slegnir og strengur orða-hinna sjö síðustu orða Krists á krossinum-verður eins og leiðarhnoða í gegnum þáttinn.

(Frá 2015)

Fjallað er um strengina í lífi okkar, þá sem færa okkur nær hvort öðru, þá sem stýra okkur, og þá sem slitna. Við sögu kemur ástarsaga frá miðöldum þar sem einn lítill fugl syngur innilega og línkyrtill blóðgast, skyggnst verður inn í töfraheim strengjabrúða á leiksviði, nýjir strengir lagðir og plokkaðir hér og nú.

Sif Ríkharðsdóttir ræðir um Strengleika, safn ljóðsagna frá miðöldum, Kristinn H. Árnason ræðir um gítarleik og rifjar upp sögulega tónleika sem áttu sér stað í Vínarborg árið 1808, og Sigríður Sunna Reynisdóttir talar um strengjabrúður og brúðuleikhús í víðu samhengi. Vigdís Hrefna Pálsdóttir les Laustiks ljóð úr safni Strengleika, hún les ljóð eftir Federico Garcia Lorca (Gátan um gítarinn, Sex strengir), í þýðingum Hallbergs Hallmundssonar, Sigurðar A. Magnússonar og Baldurs Óskarssonar. Hún les einnig ljóðið Hér stilltu guðir strengi eftir Þorstein frá Hamri, og brot úr smásögunni Um brúðuleikhúsið eftir þýska skáldið Heinrich von Kleist.

Umsjón: Eiríkur Guðmundsson.

Hljóðvinnsla: Einar Sigurðsson.

(Frá 2015)

Matur er fyrir öllu.

Umsjón: Sigurlaug Margrét Jónsdóttir.

Matgæðingur þáttarins er Gunnar Guðbjörnsson óperusöngvari og kennari.

(Frá 2011)

Matur er fyrir öllu.

Umsjón: Sigurlaug Margrét Jónasdóttir.

Matgæðingar þáttarins eru Úlfar Finnbjörnsson og Karl Pettersson, sem tala um villibráð og veiðar.

(Frá 2011)

Unnur Guðrún Pálsdóttir og Erna Sverrisdóttir, mágkonur og vinkonur. Unnur Guðrún er þekkt sem Lukka, einkaþjálfari sem fékk Ernu, bókmenntafræðing og heimilisfræðikennara, með sér í að elda næringaríkan, fallegan og hollan mat.

(Frá 2011)

Matur er fyrir öllu.

Umsjón: Sigurlaug Margrét Jónasdóttir.

Fjallað er um borðsiði Helgu Sigurðardóttur sem kölluð hefur verið matmóðir Íslands. Hún bendir okkur á að koma alltaf hrein og snyrtilega klædd til máltíðar.

Matgæðingur þáttarins var Hrönn Vilhelmsdóttir frá Kaffi Loka. Hún ræddi íslenska matarmenningu, rúgbrauðsís, heimabakað flatbrauð dásamlegt flatbrauð.

Að lokum var gefin uppskrift af gömlum eftirrétti, bóndadóttur með slöri sem finna má í bók Helgu Sigurðardóttur Matur og drykkur.

(Frá 2011)

Matur er fyrir öllu

Umsjón: Sigurlaug Margrét Jónasdóttir.

Spjallað um kaffihúsamnenningu Parísarborgar, en árið 1686 opnaði sikileyingurinn Francesco Procopio Coltelli kaffihúsið Le Procope í borginni. Við lok 18. aldar voru kaffihúsin orðin 700 og hálfri öld síðar voru þau orðin 3000.

Gestur þáttarins Maríus Sverrisson söngvari, sagði frá matarhefð sinni, kökunum í Vín og staldrað var sérstaklega við Sacher kökuna.

(Frá 2011)

Matur er fyrir öllu.

Umsjón: Sigurlaug Margrét Jónasdóttir.

Við byrjuðum á því að heyra af ilmvatnsdauða, hér er á ferð japönsk smásaga úr bók Isasbellu Allende í þýðingu Tómasar R.Einarssonar. Gestir þáttarins eru hjónin Inga Elsa Bergþórsdóttir grafískur hönnuður og matgæðingur og Gísli Egill Hrafnsson ljósmyndari. Þau sögðu frá matreiðslubók sinni Góður matur, gott líf í takt við árstíðirnar. Þar kenna þau fólki að forgangsraða rétt, læra að elda mat frá grunni rækta eins og hægt er og sameina alla fjölskylduna í matarundirbúning og sveppatínslu og veiði. Þau færðu umsjónamanni heimagert jógúrt með sveskjum sem var sérlega gómsætt og sögðu frá því hvernig það er gert.

(Frá 2011)

Matur er fyrir öllu.

Umsjón: Sigurlaug Margrét Jónasdóttir.

Gestur þáttarins er Lárus Jóhannesson í 12 tónum. Hann sagði frá matarhefð Franz Liszt, sem var mikill matmaður, og þótti sérlega gott að fá sé vín með öllum mat. Lárus kom með þrjá matseðla frá matarveislum sem haldnar voru fyrir Liszt. Matseðlarnir komu svolítið á óvart, vegna þess að þar var boðið upp á mat sem við í dag þekkjum vel, eins og sorbet á milli rétta, klassíska kjötrétti og góðar sósur og grænt salat.

Í þættinum var einnig staldrað við listaverk sem hangir í National safninu í London og er eftir hollenska málarann Pieter Claesz og sýnir gómsætan lax með smjöri og kapers, fersk jarðaber og ólífur. Gefin var uppskrift af gómsætum laxi með smjöri appelsínudjúsi og jarðaberjasultu.

Matur er fyrir öllu.

Umsjón: Sigurlaug Margrét Jónasdóttir.

Sigurlaug Margrét Jónasdóttir fjallar um heimsmeistarmótið í súkkulaði sem fram fór í París. Hún ræðir við Ásgeir Sandholt sem keppti fyrir Íslands hönd. Hann sagði frá undirbúningi og hversu mikilvægt það er að vera vel æfður og í andlegu jafvægi. Með Ásgeiri kom Dominique Plédel Jónsson sem talaði um hæfileika Ásgeirs, mikilvægi þess að Íslendingur tekur þátt í mótinu. Að síðustu kom Hafliði bakari og súkkulaðigerðamaður en hann tók þátt í keppninni 2003 og hafnaði í þriðja sæti. Hann lýsti svona súkkulaðikeppni og hvaða þýðingu það hafði fyrir hann að hafa tekið þátt, en hlustendur þekkja vel hæfileika hans til að gera konfekt sem fær mann til að tárast yfir.

(Frá 2011)