जून 2022 मध्ये थायलंड दक्षिण पूर्व आशियातला पहिला देश बनला ज्याने गांजाच्या वापरावरची बंदी हटवली. गांजा, ज्याला Marijuana, Cannabis, Weed, Pot, Green, Hemp, अशा अनेक नावांनी ओळखलं जातं, त्याच्या घरगुती शेती आणि वापराला थायलंड सरकारने आता गुन्ह्यांच्या यादीतून बाहेर काढलंय. पण याचा वैयक्तिक वापर करू नका, असंही सरकारने म्हटलंय.

थायलंड प्रशासनाला आशा आहे की यामुळे स्थानिक गांजा उद्योगाला चालना मिळेल आणि पर्यटकही आकर्षक होतील.

काही काळापासून भारतातही आपण ड्रग्स, गांजा, narcotics control bureau सारखे शब्द बातम्यांमध्ये ऐकतोय. मात्र अमेरिकेसह जगभरातल्या अनेक देशांमध्ये गांजाच्या कायदेशीर वापराला, काही काही ठिकाणी वैद्यकीय उपचारांसाठीसुद्धा परवानगी दिली जातेय.

गांजाला विरोध करणाऱ्यांचं म्हणणं आहे की यामुळे लोक व्यसनाधीन होत जातील आणि त्यांच्या मानसिक आरोग्यासाठी हे धोक्याचं आहे.

संशोधन - द इन्क्वायरी, बीबीसी न्यूज