Un día máis pendentes do tránsito ferroviario. A folga deixa atrasos e algúns servizos suspendidos tamén entre os servizos mínimos, e o mal estado da infraestructura leva a cubrir con autobuses as paradas intermedias entre Vilagarcía e Santiago.

O persoal de urxencias denuncia sobrecarga e falta de recoñecemento profesional con novas concentracións, e non descarta ir á folga.

A produción da ría de Arousa caeu máis do 50& nos últimos 5 anos. A plataforma en defensa da ría lamenta a inacción da Xunta ante estes datos.

Comezaron os traballos de reparación da muralla de Lugo tralo derrubamento do sábado, que poderían prolongarse dous ou tres meses.

No tempo, tregua no mar, onde o aviso é amarelo, e seguen as chuvias.

A semana comeza con moitas reivindicacións laborais, chegan desde a sanidade ou desde o sector marisqueiro ante o estrago das chuvias nos bancos marisqueiros. Xornada ademais de complicacións no transporte ferroviario pola folga de maquinistas, lembren que o seu tren habitual pode non saír.

Pendentes ademais dos ríos, porque os caudais poden vivir esta semana días complicados con crecidas. A Confederación Hidrográfica teme ademais posibles baixadas de calidade nas traídas municipais. O temporal tamén afectou á Muralla de Lugo na fin de semana, a Xunta iniciou hoxe a reconstrución da parte caída.

A partir das dúas e dez máis detalles sobre as novas do día en Galicia. No eido cultural toca felicitar de novo a 'Sirat', de Oliver Laxe, que segue a colleitar éxitos. Neste caso oito galardóns nos Premios Gaudí, entre eles mellor película e son, dúas categorías nas que opta a un Óscar.

Todo nunha mañá na que xa coñecemos a programación oficial da Real Academia para conmemorar o ano de Begoña Caamaño nas Letras Galegas

Rematan os cortes nos servizos ferroviarios da provincia por mor dos temporais, pero, no acaban os problemas para os usuarios. Hoxe arranca a folga de tres días do persoal de Renfe, en demanda dunha maior seguridade nas viaxes.

Os servios mínimos cubren o 65 por cento das liñas.

E outro paro que pode volverse indefinido a partir do mércores, é o do transporte por estrada da provincia. Hoxe reanúdanse as negociacións coa patronal, coa falta de unidade sindical como principal escollo.

-Estaleiros galegos coma o de Navantia Fene son referencia mundial na fabricación de parques eólicos mariños flotantes, a mesma tecnoloxía que se empregaría fronte ás costas da Coruña se finalmente saen adiante os plans do Goberno central.

-A plataforma contra a mina de Coéns, en Laxe, denuncia a falta de información sobre un novo proxecto mineiro, presentado en 2022, e que contempla unha explotación de caolín a escasos metros das casas durante 30 anos.

-O Deportivo da Coruña continúa terceuro ó vencer ó Albacete por dous goles a un, e suma a súa primeira vitoria como local en máis de dous meses

Nova xornada de incidencias no servizo ferroviario...Na fin de semana Renfe reanudou a circulación no eixo atlántico entre Vigo e Santiago, pero hoxe unha folga de maquinistas reducirá o número de trens... Os servizos mínimos cobren o 65 por cento das circulancións habituais.

Outro paro que podería reanudarse é o do transporte de viaxeiros por estrada na provincia da Coruña. Hoxe reanudanse as negociacións despois de que os traballadores rexeitasen un preacordo anterior.

Deportes. O Deportivo continúa terceiro tras gañar ó Albacete en Riazor e o Depor feminino galea en Madrid.

No tempo. Comeza a semana sen cambios significativos na situación; mantense a influencia das baixas presións.Seguirá chovendo, de feito hai aviso amarelo por chuvias no interior da provincia de Pontevedra. Chuvias ás que se atribúe a derruba dunha pequena parte da muralla de Lugo. Iso si con temperturas máis altas

Que tal, boa tarde... nunha semana cúmprense catro anos do sinistro do Villa de Pintanxo e a Fiscalía vén de concluír o seu escrito de acusación. As familias das vítimas celebran que sinale o patrón e a armadora.

E mañá comezan os traballos para reconstruír o pedazo da muralla de Lugo que caeu esta noite. Corresponde a un treito reformado.

Queremos Galego promove un documento participativo para frear a caída no uso da lingua. Nuns minutos falamos co portavoz da platarforma, con Marcos Maceira.

Isto nun domingo que pecha unha semana de borrascas encadenadas... A última, Marta, deixa 278 incidencias en Galicia nas últimas horas. Renfe restableceu xa a circulación a Vigo agás os rexionais con Ourense.

Abrimos agora un tempo pra entrevista. Xosé Manuel García fala nos próximos minutos con Marcos Maceira portavoz de Queremos Galego. A plataforma promove un ducumento participativo para frear a caída no uso do galego