Moverse en tren na nosa comunidade segue a ser complicado. A pesar de que os sindicatos maioritarios suspenderon a folga, a CGT e o Sindicato Ferroviario manteñen os paros, con cancelacións e atrasos, sobre todo no Eixo Atlántico e servizos de media distancia.

Alfonso Rueda pediu ao presidente do Goberno solucións ao caos ferroviario, nunha conversa para coordinar a resposta ante as borrascas que afectan a Galicia. Un episodio de choivas que se intensificará nas próximas horas.

Seguen as cancelacións e retrasos nos servizos ferroviarios en Galicia, malia á suspensión da folga por parte dos sindicatos ferroviarios. E agora non hai servizos mínimos, polo que a incerteza dos viaxeiros é aínda maior.

Pendentes tamén dos autobuses. A CIG mantén pra mañá a súa convocatoria de folga indefinida á espera do resultado de asambleas que se celebrarán esta noite.

O goberno central inclúe a Galicia nunha orde de axuda para particulares e administracións afectados pola concatenación de borrascas dende novembro.

O conselleiro de sanidade anuncia mesas de traballo para traballar nunha mellor ordenación do persoal sanitario, as súas retribucións e a humanización asistencial.

Os sindicatos maioritarios desconvocan a folga de Renfe prevista para os dous días restantes, martes e mércores, tras o acordo acadado esta tarde entre os sindicatos e o Ministerio. Con todo, a xornada de hoxe estivo marcada por cancelacións e atrasos en distintas estacións.

E nova mobilización do persoal médico de urxencias. Denuncian sobrecarga de traballo e dous anos sen negociación co SERGAS. Houbo protestas en hospitais das catro provincias e advirten de novas accións se non hai avances mañá na Mesa Sectorial de Sanidade.