Pesar en Galicia tras o falecemento de Xesús Alonso Montero, unha das grandes figuras da cultura galega contemporánea, que morreu hoxe aos 97 anos. Ensaísta, catedrático e expresidente da Real Academia Galega, dedicou a súa vida á defensa e ao estudo da lingua.

E seguimos atentos ás consecuencias da borrasca Nils. Mantéñense desvíos por desprendementos na Autovía do Morrazo e na AG-57, mentres continúan os traballos de limpeza e conservación. Arestora, o corte máis grave afecta á A-6 en Baralla, con trece quilómetros pechados ao tráfico.

O intelectual galeguista, escritor e académico Xesús Alonso Montero faleceu hoxe ós 97 anos de idade. Montero nado e finado en Vigo, exerceu como presidente da Real Academia Galega entre 2013 e 2017. Esta referencia do antifranquismo galego foi unha figura fundamental da cultura contemporánea galega.

Tres puntos da rede de estradas de Galicia manteñen hoxe cortes e desvíos como consecuencia das últimas borrascas .

Os proxectos para novas vivendas enGalicia aumentaron un 40% en 2025, o que leva ós arquitectos a falar dun cambio de ciclo.

A empresa de economía social Arroupa Moda-re tratará 10 mil toneladas de residuos téxtis ó ano na súa nova planta en Santiago.

No tempo, unhas horas de calma antes da chegada dunha nova fronte, esta noite.

Comezamos moi pendentes do centro de Santiago con ese incendio urbano na comisaría da Policía Nacional, continúa o desaloxo total do inmoble e, aínda que o lume está controlado, as tarefas de extinción seguen e hai moito fume na zona.

A partir das dúas e dez volveremos a este punto para coñecer a última hora. Tamén os detalles dun proxecto de reciclaxe téxtil estratéxico en Galicia. Unha planta que dará unha segunda vida ós tecidos, detrás está a Xunta, Cáritas ou Inditex.

Todo nun día no que o temporal dá unha tregua en terra, non no litoral, toda a costa galega está baixo aviso laranxa. Organizacións ecoloxistas advirten da debidlidade do solo tras tanta auga. Nos vindeiros minutos imos precisamente falar do chan, da nosa biodiversidade e das consecuencias da pegada humana