Á parte de polos temporais, o sector pesqueiro anda moi revolto pola ameaza da eólica mariña ou a decisión da Unión Europea que limita as capturas e aplica normas máis estrictas pra o seu control. Xosé Manuel García fala con Basilio Otero, presidente da Federacion Nacional de Confrarías

Médicos galegos apoiaron hoxe en Madrid a manifestación pra reivindicar un Estatuto marco propio. Unha mobilización que precede á folga dunha semana que se inicia o luns.

Estamos tamén en Vigo. Hai preocupación despois de que o goberno de Uruguai rescindise o contrato das dúas patrulleiras con Cardama. Mellores novas, en cambio, pros traballadores de GKN. A empresa accedeu a retira-lo ERE.

En Soutomaior, morreu un home de 56 anos ó caerlle enriba a árbore que talaba.

E de volta na cidade olívica, última despedida este mediodía a Xesús Alonso Montero

Profundamos no mundo da lutharía da man de Adrián Pereiro, constructor e reparador de instrumentos formado en Vigo e con obradoiro na Coruña. O artesán vén de elaborar un violonchelo con sete madeiras distintas de Galicia, doadas por persoas que impactan cultural e humanamente na nosa terra. Un proxecto de investigación que comparte coa nosa compañeira Rosalía Martínez, que se desprazou ata o seu obradoiro

A Audiencia Nacional propón xulgar ao capitán do pesqueiro galego Villa de Pitanxo e a dous directivos da armadora pola morte de 21 mariñeiros no naufraxio acontecido en Terranova en febreiro de 2022.

E seguimos no mar, pero desta volta para falar da situación crítica nos bancos marisqueiros galegos. A mortaldade podería ser incluso superior á sufrida no 2023, cando chegou a desaparecer ata o 80 por cento do marisco nalgunhas zonas.

A mortaldade nos bancos marisqueiros podería ser, trala sucesión de borrascas dos últimos días, peor que a do ano 2023. Así o recoñece a consellaría do mar, que considera crítica a baixada da salinidade. Traballan pra coñece-lo impacto no sector

- Os veciños do Encoro das Conchas reclamarán medidas contra a contaminiación trala ratifcación do supremo da sentenza que condena a Xunta e Confederación hidrográfica

- A Xunta alegará contra o novo intento de Transición Ecolóxica de limita-las concesións en costas a 75 anos, incluindo as prórrogas

- A patronal do metal e o goberno galego rexeitan a moratoria na implantación da eólica mariña que pide o sector pesqueiro

- No tempo, poñemos hoxe algúns datos ó tren de borrascas que vimos sufrindo: deixa 290 litros por m2 de media, 7.600 incidencias e máis de 500 avisos en encoros e ríos...

Feliz día mundial da radio... queremos achegarnos a unha perspectiva social, colectiva da radio, que ó final é a súa base. Unha radio ó servizo da cidadanía... porque a radio facémola entre moitas persoas, diante e detrás de micrófono, pero con que a un só de vostedes lles sexa útil, é xa moito.

Estamos nunha emisión conxunta cunha radio que é sinónimo de todo isto que lles conto, CUAC FM