Unha das novas da mañá está na convocatoria de prazas no Ensino, con Inglés á cabeza na oferta para as oposicións de xuño e xullo, con reforzo de máis do 40 por cento en Atención á Diversidade.

Mañá tamén nas que estamos a escoitar as preocupacións do sector primario, por un lado polo baixo prezo ó que lle pagan a materia prima e polo outro polo temor a que este mal tempo estrague as colleitas.

Tamén sobre os actos ós que se suma Galicia neste día mundial contra o cancro. Por iso comezamos falando de investigación.

A estas horas profesorado e familias do IES Agra de Raíces de Cee rematan o peche reivindicativo co que pasaron esta noite no centro...

Denuncian a falta de profesionais especializados e aulas masificadas. A protesta enmárcase nos peches rotatorios convocados para xaneiro e febreiro polos sindicatos CIG e Steg en defensa da educación pública.

-Os traballadores do sector de transporte de autobuses da provincia votan hoxe en asemblea o preacordo ó que chegaron UGT e Comisións Obreiras cos empresarios. Lembramos, non asinado pola CIG. De momento, segue en suspensión a folga convocada.

- O Foro Cidadán polo Ferrocarril foi recibido polo Conselleiro de Presidencia, Diego Calvo, que se comprometeu a instar ó goberno central para recuperar a conexión do tren Ferrol-Madrid.

- Xornada coa presenza da varios ministros na provincia. O titular de Economía, Carlos Cuerpo, participa hoxe en Santiago nun acto académico na Facultade de Ciencias Económicas da USC. E A Coruña acolle hoxe e mañá o terceiro cumio mundial sobre Intelixencia Artificial no ámbito militar, ó que asistirán Margarita Robles, hoxe, e José Manuel Albares, mañá

Día clave non transporte de viaxeiros por estrada na provincia da Coruña. Os traballadores deben decidir se aproban o preacordo que pactaron UGT e CC.OO coa patronal ou o rexeitan como propón a CIG.

Xaneiro deixa uns malos datos de emprego, aínda que o dato interanual aínda segue a ser positivo.

No tempo...De momento aquí libramos das peores consecuencias borrasca Leonardo, pero vai seguir chovendo, sobre todo na metade sur...en Arbo lévanse recollidos no que vai de noite 20 litros por metro cadrado. En cambio soben as temperaturas e sobe a cota de neve. Mantense o aviso laranxa do mar que encadea xa dúas semanas con distintas alertas