Non remite o conflito laboral no sector do transporte de viaxeiros na provincia...Concentración hoxe en Santiago, previa á nova xornada de folga mañá venres.

O persoal denuncia a indiferencia da patronal pra sentarse a negociar un mellor convenio, e uns servizos mínimos abusivos- Desde a Xunta esixen que se cumpran estes servizos mínimos, non coma en paros anteriores.

-os traballadores de vixilancia dos hospitais da provincia Protestaron fronte ó Hospital Provincial de Conxo, en Santiago, para denunciar inseguridade e falta de medios de protección adecuados para facer fronte ás agresións que sofren.

-A empresa Eulen asumirá o contrato das actividades dos centros socioculturais de Santiago, cuxos traballadores levan meses sen cobrar. A empresa asume a concesión por un importe de preto de 2 millóns de euros, un 13 por cento máis ca no anterior acordo.

-A Coruña, Santiago, e Ferrolterra presentaron este mércores en Madrid a súa campaña de promoción turística para este ano, no marco da Feira Internacional de Turismo, FITUR, que arrancou onte no Ifema

Comezamos hoxe mirando o mar, o máis importantes avisarlles de que haberá aviso vermello esta noite no litoral da provincia da Coruña, ademais media Galicia está en alerta por vento ou choiva, concellos como A Coruña pecharon parques e xardíns. Teñan precaución.

Xornada na que puidemos escoitar de novo reivindicacións sanitarias con críticas como a da privatización encuberta do Sergas, é a antesala á manifestación prevista o 1 de febreiro.

Arestora os gañadores dos premios San Clemente teñen un acto público en Santiago, no IES Rosalía de Castro. Escritores tan premiados recentemente como David Uclés están entre os galardoados

Logo de seis meses de negociacións, e algún que outro obstáculo no camiño, a descentralización do grao de Medicina nas tres universidades galegas é xa unha realidade.

Xunta e reitores de Santiago, A Coruña e Vigo asinaron este martes o acordo para impartir o segundo ciclo da carreira nos tres campus.

-Desconvocada a folga no servizo de limpeza dos Hospitais de Cee e o Barbanza, que ía comezar hoxe. SAnidade acepta negociar coas empresas a equiparación salarial destas traballadoras, coas dos hospitais de referencia do Sergas.

-Convocados os concursos de ideas para facer 412 vivendas públicas na Coruña e Santiago. O proxecto da Xunta contempla tamén dúas residencias xuvenís, con 150 prazas cada unha.

-Arquivada a causa aberta pola vertedura de milleiros de boliñas de pellets procedentes do cargueiro Toconao, que afectou á costa da provincia, en decembro do 2023