Bo día. O xuízo polo homicidio do praceiro de Santiago comeza hoxe coa constitución do xurado.

Hai dous homes en prisión preventiva acusados de acabar coa vida de Antonio Costa, na madrugada do 24 de novembro do 2024, cando abría a súa carnicería da praza de abastos compostelá.

A fin do conclito laboral no sector do transporte de viaxeiros por estrada da provincia prodería estar máis preto. Este luns está prevista unha mediación na sede do Consello Galego de Relacións Laborais en Santiago, entre representantes dos traballadores e a patronal.

Unhas 400 persoas esixiron en Cariño este domingo unha negociación rápida e efectiva para a nova Relación de Postos de Traballo.

As ANPAS da provincia da Coruña preparan mobilizacións conxuntas para o próximo mes de febreiro. A Federación provincial está coordinando as futuras accións, que buscan incorporar máis profesorado especializado.

O comercio de proximidade galego está decaendo ano tras ano. Unha realidade que se reflexa nos datos. Galicia perdeu máis de mil comercios so o ano pasado pero se retrocedemos no tempo, a perda é de 10 mil en vinte anos. Nuns intres, analizaremos as razóns que hai detrás desta situación-

Outros asuntos, lévanos ao campo onde falaremos da petición de Unións agrarias que pide á administración galega unha actualización das indemNizacións que reciben os gandeiros en caso de ter que sacrificar animais, xa que din, hai diferenzas con outras comunidades de ata 2000 eurs.

Tamén, non menos importante, resposta de comisións obreiras ao Plan de control e inspección das incapacidades laborais posto en marcha pola Xunta pra investigar as baixas laborais.

Hoxe, no tempo de entrevista, falaremos coa conselleira do mar, Marta Villaverde, de cara a esa reunión de mañá onde os ministros de pesca da Unión Europea teñen prevista unha xuntanza na que tratarán puntos clave pra Galicia.

E en canto ó tempo: Xornada de transición. A borrasca Ingrid despídese da nosa comunidade pero aínda mantemos a alerta, vermella no mar e amarela por vento

Mais de 550 incidencias foron xestionadas polo 112 Galicia dende que a borrasca Ingrid recalou na nosa comunidade. A maioría foron causadas pola caída de árbores e pólas en vías , pero tamén polo xeo e a neve nas estradas, da que por certo, seguimos moi pendentes en zonas da provincia de Lugo e Ourense, principalmente, pero tamén en Pontevedra. Con todo, xa non hai alertas laranxas e a DXT desactivaba esta mañá o Plan Invernal de Estradas.

Tamén falaremos doutros asuntos. Por exemplo, a Manifestación do sector da conserva en Vilagarcia onde mais de 1000 persoas, mobilizados pola CIg, sairon ás rúas pra reclamar un convenio digno.

Hoxe, no tempo de entrevista, falaremos do documental, titulado "360 curvas" que nos traslada ata ós anos 90 pra coñecer a loita dos veciños pola perda dos servizos no municipio da Fonsagrada

Seguimos encadeando alertas, e de novo hoxe outra vermella... neste caso por chuvias. Afecta ó interior da provincia de Pontevedra. Os rapaces que non puideron ir á clase o venres por neve; hoxe non acudirán pola previsión de intensas precipitacións.

A Xunta enviou ós veciños destes concello unha mensaxe de alerta que inclúe recomendacións. O aviso é laranxa en parte da provincia de ourense onde se suspenden as actividades no exterior dos colexios e amarela no resto da comunidade.

Prevese que as chuvias vaian a máis conforme avance o día. No que levamos de noite recolléronse 21 litros por metro cadrado en Rianxo e, pouco antes das sete, un máximo refacho de vento en Punta candieira, en Cedeira, 124 quilómetros por hora

O sector pesqueiro está pendente da reunión que van celebrar mañá os ministros de pesca da Unión europea con temas claave pra Galicia como as cotas de pesca ou o control das capturas.

Xosé Manuel García fala nos próximos minutos coa conselleira do mar da Xunta

A borrasca Ingrid deixa un regueiro de incidencias, e accidentes, por toda Galicia. Centos de camións seguen sen poder acceder á comunidade nin pola A-6 nin pola A-52 por mor da neve. 71 mil alumnos quedaron sen clase e están suspendidas as actividades deportivas, tanto no exterior coma en recintos pechados.

A neve, a sarabia e o vento están detrás de moitos dos problemas rexistrados.

Agárdase que a situación empeore a partir das nove da noite.

A sentenza defitinitiva sobre o accidente de tren de Angrois, en xullo do 2013 absolve ó que fora director de Seguridade de Adif. Un golpe difícil de encaixar pra a plataforma de vítimas, malia ó voto particular contrario dunha das tres maxistradas

É o máis destacado dun día marcado polo paso da borrasca Ingrid, que deixa 71 mil rapaces sen clase. Máis de 260 incidencias, a metade por caídas de árbores, pero tamén caídas de luz, accidentes e restricións pra circulación de vehículos pesados en moitas estradas. Os ríos Umia ó seu paso por Cuntis, o Río Grande en Vimianzo e o Lérez en Pontevedra están en seguimento por posibles subas de caudal. E máximo risco no mar: a flota está amarrada pero hai que alonxarse da primeira liña, especialmente coa marea alta.

Día moi complicado co temporal, máis de 200 incidencias nas últimas horas en Galicia segundo as actualización do servizo de Emerxencias. A maior parte de Galicia está baixo aviso por temporal costeiro ou neve, o peor na provincia da Coruña con aviso vermello na costa.

Moita precaución especialmente en estradas como a A-52, OU-540 ou nas vías secundarias da provincia de Lugo pola presenza de neve ou xeo.

O mellor este venres quedar na casa ou acudir a citas de lecer no interior, e hai moito en axenda. Primeiro imos ó cine