Saúdos, moi boa tarde.

Hoxe falamos de emprego, polos datos do paro, que baixou un 1,6 por cento en novembro, pero tamén pola situación de Sargadelos. Cuarto día coa fábrica pechada e á espera dunha posible reapertura anunciada pra mañá.

Estivemos ademais no mercado de gando de Silleda. Volveu á normalidade tra-lo parón motivado pola dermatose nodular contaxiosa. Máis preocupación, en cambio, no sector porcino. Os produtores galegos aseguran que xa teñen cancelacións dende Xapón.

Comezamos.

Os datos do paro volveu marcar mínimos no mes de novembro cunha caída do 1,6 por cento... case o dobre que no conxunto do estado. Continúa a tendnecia positiva que algúns sindicatos atribúen á reforma laboral, pero tamén ven sombras no paro de longa duración, e a caída dos afiliados.

O conselleiro de educación non da por morto o pacto pra descentraliza-lo grao e advirte que se hai novas facultades será cos mesmos recursos e as mesmas prazas.

Cuarto día sen actividade en Sargadelos, aínda que o propietario anuncia a reactivación mañá se non xurden inconvintes.

Primeira poxa en Silleda tras 5 semanas de peche pola dermatose nodular, con máis de 1300 animais, e prezos estables.

No tempo, xornada de chuvias e treboadas...

Saúdos, moi boa tarde.

A Xunta aproba unha oferta de emprego público de mil cen prazas.

A Universidade de Vigo avanza que tamén pedirá impartir Medicina.

E sobre o peche de Sargadelos, o presidente da Xunta esixe ó propietario que retome a actividade de inmediato.

Son titulares dunha tarde na que medra a preocupación entre os produtores polo avance da peste porcina, e na que acabamos de saber que, despois de 68 días, hai acordo e desconvocouse a folga do SAF en Ponteareas, e que as estatuas de Abrahamm e Isaac, atribuídas ó Mestre Mateo, xa están no Museo do Pobo Galego. Veñen de seren trasladadas dende o Pazo de Meirás.

Comezamos.