Multitudinaria manifestación en Ferrol en petición dun tren do século XXI, con representantes veciñais, empresariais e tamén presenza de todos os partidos políticos. Ferrolterra queda atrás, o mellor exemplo é o tren e a alternativa unha custosa AP9.

Todo nunha mañá de domingo na que o presidente galego apoia en Madrid a convocatoria de Núñez Feijóo contra Pedro Sánchez.

A mañá deixa un mozo ferido grave na Coruña. Caeu desde unha fonte da praza de Azcárraga. E durante a madrugada unha persoa foi excarcerada despois de sufrir un accidente de tráfico no concello do Corgo. O vehículo no que viaxaba envorcou na nacional Sexta, a altura da parroquia de Gomeán.

Hoxe mellorou o día no meteorolóxico

Entrevista a Manuel Pérez, presidente do Consello Económico e Social, realizada por Xosé Manuel García.

Mañá con protagonismo para a sanidade. O PSdeG pide a dimisión do xerente do Sergas, petición que argumenta en situacións como a do Hospital Clínico de Santiago: os socialistas falan dunhas urxencias colapsadas. Algo que negou hoxe desde alí o conselleiro de Sanidade, Caamaño tamén animou a vacinación neste fin de semana con 33 mil galegos entre 60 e 69 anos citados de forma extraordinaria.

Mentres, a líder da oposición visitou Pontevedra onde pediu un investimento de 15 millóns de euros en cultura e reclamou á Xunta solucións para a fábrica de Sargadelos.

En Caldas, a veciñanza saíu a rúa en protesta contra o trazado da variante oeste.

Tamén sobre as estradas, precaución na A52 a altura de Trasmiras, en sentido Vigo. Segue o corte de tráfico entre os quilómetros 173 e 181 despois de que, de madrugada, ardese un camión que transportaba motores. O lume quedou rapidamente controlado pero o material quedou esparexido pola vía. Non houbo feridos. Están habilitados desvíos alternativos

Soben os avisos amarelos por chuvia, ademais do Miño de Pontevedra e as Rías Baixas, tamén queda baixo alerta o oeste da provincia da Coruña

O grupo de jazz SUMRRÁ pecha esta noite en Santiago a xira do seu 25 aniversario. Será no Auditorio de Galicia, onde á vez presentará o seu novo disco, Revolution....

A Universidade da Coruña impulsará de novo a tramitación para implantar a súa propia facultade de Medicina despois de que o Consello de Goberno da USC rexeitase hoxe votar o acordo para a descentralización dos estudos.

E neste último día de folga na atención primaria, os sindicatos convocantes discrepan coa Xunta sobre o seguemento: os traballadores elévano ao 70 por cento no caso dos facultativos. A Consellería de Sanidade rebáixao a pouco máis do 4 por cento na quenda de tarde entre todo o persoal.

En páxina cultural... máis de 700 creadores e artistas móstranlle as súas propostas ao público esta fin de semana no CULTURGAL, en Pontevedra.