Xa foi unha realidade na Coruña este luns, hoxe tamén en Santiago. Entra en vigor a taxa turística e cunha última hora xudicial que chegou in extremis. O alto tribunal galega desestima as medidas cautelares pra paralizar o tributo que pedían dende parte do sector hostaleiro. Así, os visitantes que cheguen hoxe á capital galega, salvo excepcións, deberán pagar ata dous euros e medio por persoa e día.

- Evencio Ferrero, alcalde de Carballo, renuncia ao cargo. Déixalle paso ao edil de deportes Daniel Pérez.

-A Xunta reunirase co concello da Coruña o próximo 9 de outubro pra abordar os atrasos nas obras do novo Chuac.

-O BNG comprométese a impulsar iniciativas para promover a modernización do tren en Ferro. Este martes Ana Pontón mantivo unha xuntanza co Foro Cidadán polo Ferrocarril

A Xunta busca hoxe nun encontro bilateral co goberno central un achegamento nas súas posturas sobre o plan estatal de vivenda, que se discutirá este xoves na conferencia sectorial. Os populares aseguran que Galicia está disposta a asumi-lo 40 por cento do financiamento, se hai flexibilidade e se da cabida á vivenda protexida en propiedade. Na Coruña agardan con impaciencia outro encontro.

- O 9 de outubro estudarán coa Xunta o importante atraso das obras do novo hospital da cidade

- Unións Agrarias reivindica un papel pros gandeiros en extensivo nos sistemas de prevención e extinción de incendios

- A Coordenadora Galega de Solidariedade con Palestina chama á poboación galega a mobilizarse este domingo contra o xenocidio en Gaza.

- No tempo, xornada de tempo seco e solleiro

Hoxe a actualidade municipal pasa xa escoitaron por Ribeira, polémica a conta do anuncio dunha moción de censura, van máis de 12 neste mandato en Galicia.... a partir das 2 iremos ata Ribeira.

Protagonismo hoxe ademais para a vivenda, Galicia vai trasladar ó Goberno central esta semana as súas propostas e quere ter máis flexibilidade sobre todo no financiamento para rehabilitar ou para todo o ligado á vivenda pública.

Mentres, na Coruña, fálase hoxe do futuro do noso rural.

Bos días. Os visitantes que cheguen desde hoxe a Compostela, e pernocten nun hotel ou nunha pensión, terán que pagar unha taxa de ata dous euros e medio. Hai algunhas excepcións, coma os albergues xuvenís ou quen veña a competicións deportivas. A taxa turística comeza hoxe na capital, segunda cidade galega tras A Coruña en tomar esta medida.

Todo no medio do debate da vivenda. A Xunta trasladou xa ó Goberno algunhas das súas propostas, inclúen incentivos para que promotores ou cooperativas constrúan vivenda protexida.

E Adif anunciou a liberalización de novos corredores de alta velocidade, inclúen a conexión de Galicia con Madrid, e permitirá que cheguen á nosa comunidade operadores coma Iryo ou Ouigo pero aínda haberá que esperar: non será ata finais de 2027.

Quinta moción de censura na provincia nas últimas semanas. Desta volta, en Ribeira. Os populares alíanse con catro edís do partido independente, ata agora no goberno local, para quitarlle a alcaldía a Luis Pérez Barral, do BNG. Así, Mariola Sampedro perfílase como a próxima rexedora da localidade a partir do próximo 13 de outubro, dia no que se debaterá a moción.

- O sector hostaleiro presenta un contencioso administrativo contra a taxa turística na Coruña. Mentres, en Compostela o goberno local alega contra o recurso presentado contra o seu tributo.

-O goberno municipal de Ferrol aproba a licitación do tramo de Esteiro do proxecto Abrir Ferrol ao Mar. Destinaranse preto de 3 millóns de euros.

-O pintor coruñés Fancisco Miguel, asasinado polo franquismo en Carballo, xa descansa no cemiterio de Santo Amaro. Os seus restos foron achados hai dous anos no camposanto de Bértoa.