Bos días. A taxa turística xa é unha realidade en Galicia. Primeiro día con ela en marcha na Coruña, aínda con algunhas dúbidas do sector hostaleiro, encargado da súa recadación.

O outro 'comezo' da xornada está na sanidade: empeza a campaña de vacinación de gripe e covid. Primeiro punto: residencias de maiores e centros de discapacidade.

Temos ademais que actualizar a situación dos incendios forestais. Despois de dez días, este domingo quedou controlado o incendio de Pantón, en Lugo. Afectou a 1.800 hectáreas, parte delas en Sober. Durante varias xornadas este lume obrigara a decretar a situación 2 de emerxencia pola proximidade das lapas ás casas.

Nos deportes, o Celta perdeu 2-1 ante o Elche no Martínez Valero.

Os promotores da celulosa de Altri en Palas atribúen a unha decisión política a decisión do Goberno de deixa-los sen conexión eléctrica..unha decisión da que -sinalan- non teñen coñecemento oficial.

Yolanda Díaz manifesta en Ferrol o seu apoio a construcción dun dique cuberto en Navantia e, outro ministro, o de Agricultura avanzou en Valdeorras as axudas que aprobará o goberno polos incendios.

A Xunta resta importancia a folga no ensino, mentres os sindicatos convocantes, CIG e STEGa, calcula nun 60 o seguimento. Denuncia os continuos recortes de profesores. Un exemplo o colexio de Asados, en Rianxo. Alí os rapaces aínda van empezar hoxe as clases en protesta pola falta de docentes especialistas.

Deportes. Derrota do Celta o seu debut na Liga Europa. Caeu en Alemaña por 2-1.

O tempo...todo igual, seco e solleiro...e con temperaturas ó mediodía por riba dos 20 graos