A Xunta aproba un proxecto de lei que declarará as prazas de persoal médico de urxencias hospitalarias de Ourense como postos de difícil cobertura. O Sergas ofertará prazas polo sistema excepcional de concurso de méritos e o tempo traballado puntuará o triplo de cara a futuros procesos de selección. O PSdeG-PSOE de Ourense denuncia a falla de planificación da Xunta de Galicia en materia de prevención de incendios forestais, cando a provincia xa se atopa na época de máximo risco e os primeiros lumes da tempada xa son unha realidade. E no noso tempo da entrevista coñecemos a obra inédita de Antón Risco, Home, da man de Antonio Blanco, padroeiro da Fundación Vicente Risco. A novela foi presentada en Allariz, onde se atopa a sede da Fundación.

Nova xornada de folga no sector da alimentación da provincia da Coruña. Despois de oito reunións sen avances coa patronal, os sindicatos CIG, UGT, Comisións Obreiras e USO, volven hoxe ás rúas pra reclamar un salario e unhas condicións laborais dignas. Nuns intres conectaremos en directo con eles pra saber mais deste conflicto que afecta a arredor de 17.000 empregados.

- A primeira reunión de mediación entre os sindicatos e patronal do metal remata sen acordo pra resolver o conflito que afecta a 18 mil traballadores da provincia. O xoves retomarán as conversas.

- A provincia da Coruña prepárase pra vivir a noite mais máxica do ano. Na cidade herculina o concello aumentará o dispositivo de limpeza pero pide reponsabilidade á cidadanía pra evitar a imaxe do lixo do día seguinte.

-Fene convértese un ano máis en capital da arte urbana. Está en marcha a cuarta edición do PERLA MURAL FEST, cos mellores muralistas do panorama actual, actividades pros máis pequenos e festival musical incluido

Pois hoxe aínda se prevé un día de máis calor. Por riba dos 30 graos en toda Galicia. Protección civil amplía o aviso por esas altas temperaturas: toda a provincia de Lugo e o norte da Coruña, está en nivel vermello; Ourense e a metade leste da Coruña, laranxa. So se salva o litoral atlántico.

E é que as temperaturas sa non baixaron pola noite. Un par de exemplos, en Folgoso do Courel ás 5.30 da mañá os termómetros marcaban 30 graos; pero ó norte en Punta candieira, en Cedeira, que sempre reflexamos polo vento, tamén bordeaba os 30 graos: 29,5 ás seis e media da mañá.

Hoxe as máximas pasarán dos 40 graos. O positivo é que hoxe chegamos ó pico.. e a partir de mañá comezan a baixar

Alerta por calor en Galicia. Só se libra parte da liña de litoral. A temperatura máis alta do día rexistrouse en Ourense, con 39,6 graos. Segundo a previsión, mañá a situación irá a peor. Precisamente na capital das Burgas agardamos ata 40 graos, pero poderían chegar tamén ós 38 en Lugo, 37 en Ferrol, 36 en Santiago e 35 na Coruña.

Noticias de Galicia en Radio Nacional y Radio 5 de Rtve

Magazine de Galicia presentado por Andrea Oca.