Comeza a estas horas en Padrón unha camiñata de protesta cara a capital...do persoal da residencia Volta do Castro de Santiago. Piden máis persoal e formación polo ingreso na residencia de pacientes psiquiátricos.

-Segunda xornada de folga xeral en Correos...O sindicato CGT da Coruña convoca para este mediodía en Santiago unha manifestación que partirá da praza Roxa e concluirá na oficina de Correos do Franco.

-Medra o malestar, tamén, no gremio de taxistas de Santiago polo que cualifican de "competencia desleal" dos VTCs, os vehículos de transporte con condutor.

-En Muros, o Grupo de Emerxencias Supramunicipal denuncia incumprimentos do Concello en materia laboral. A sección sindical da CNT acusa ó goberno local de non aplicar unha sentenza firme que equipara os GES cos bombeiros en canto ó paso á segunda actividade

Febreiro deixou bos datos de emprego, pero, de novo, as mulleres son as que teñen máis dificultade para incorporarse ó mercado laboral.

En Lugo, o PSdeG reactivará hoxe os contactos pra propoñer un candidato á alcaldía de Lugo, asunto que pretende pechar antes do Congreso que celebra esta fin de semana e que esta mañá presenta José Ramón Gómez Besteiro.

En Vigo, detidos tres colombianos que formaban parte dunha banda itinerante dedicada ó roubo en pisos e vivendas. E, en Lugo un home de 50 anos faleceu cando realizaba tarefas de poda nun terreo particular, na parroquia do Veral.

O tempo. aumenta a inetabilidade e á tarde poden formaranse chuvascos localmente treboentos, máis probables na metade sur e interior da Comunidade

A principios de febreiro, o excapitán do Rácing de Ferrol, Álex López, tomou unha decisión. Retirábase do fútbol para liberar a súa ficha e así o equipo da súa vida puidera incorporar a un xogador que axudara a salvar o equipo do descenso á Primeira Federación. Unhas semanas despois RNE Galicia fala na súa casa, o Estadio Municipal da Malata co ferrolán sobre a situación dos departamentais, sobre a súa carreira e algúns dos momentos que marcaron ao ex do Celta de Vigo ou Real Valladolid, entre outros.