No Museo de Pontevedra desembalouse esta mañá o cadro de Castelao "A derradeira leición do mestre" que chegou procedente de Bos Aires grazas a unha cesión do Centro Galicia da capital arxentina. O cadro, homenaxe do rianxeiro a Alexandre Bóveda fusilado en agosto do 36, estará exposto xunto a outros obxectos e obras de Castelao a partir do 25 deste mes

Ante a chegada a Pontevedra do cadro de Castelao, Valentín García Bóveda lembra que foi pintado en homenaxe a Alexandre Bóveda, para conmemorar o Día da Galiza Mártir, instaurado polos exiliados galegos en Bos Aires. Lamenta que a incomodidade desta celebración para algúns estamentos impedira que o parlamento aprobase a súa petición para instaurar esa data como oficial.

Esta tarde as traballadoras das 110 da rede de escolas infantis municipais da Coruña mobilizaranse diante do concello pra rexeitar os novos pregos publicados nos que, segundo denuncian, non se recolle ningunha das melloras acordadas tralas mobilizacións do pasado ano. Síntense enganadas e piden a dimisión do concelleiro de educación e reponsabilidadess á alcadesa Inés Rey.

- Persoal de Monbús denuncia represión sindical na empresa, con catro despedimentos e varios expedientes sancionadores a traballadores que foron á folga

- O Consello Galego de Relacións Laborais mediará no conflito do metal da provincia da Coruña e intentará evitar dúas novas xornadas de paros

- Comeza o Son do Camiño en Santiago: ata o sábado máis de 120 mil persoas pasarán polo Monte do Gozo con Katy Perry como prato forte esta noite

A Actualidade do día ven marcada polas chuvias e as tormentas deixaron onte pola tarde un escenario de caos e catástrofe en varios puntos do leste da provincia de Ourense, dende Verín ata o Barco de Valdeorras. Viana do Bolo é a zona cero da catástrofe e o seu alcalde, German García-Avila pide axuda a todas as administracións.

E no tempo da entrevista familiares das menores do Instituto Xulio Prieto Nespereira sacan a luz os presuntos casos de acoso que se están a vivir no centro. Casos denunciados dende hai semanas polo colectivo Marcha Mundial das Mulleres que reclaman que Inspección educativa tomen medias no asunto.

A fiscalía de Lugo é partidaria de practicar novas dilixencias na investigación por presunto acoso sexual ó expresidente da Dedputacion, José Tomé. Oponse o sobreseemento que pide a súa defensa.

En Vilagarcía hoxe pasarán a disposición xudicial os detidos na operación policial contra o tráfico de droga. Este mércores recibiu sepultura o home que faleceu tra-la entrada da policía na súa casa. E, segue a busca do home fugado en Ponte Caldelas tras ferir a súa exparella.

Destacado tamén o tempo.

Hoxe con dúas áreas diferenciadas: as néboas refrescarán o ambiente nas comarcas próximas ó litoral. No sur de Lugo e Ourense volverán a rebasar os 30 graos e poden repetirse os chuvascos treboentos.

Agárdase que non sexa como onte que se rexistraron ata 5 mil raios e fortes chuvascos acopañados de sarabia.

En Carballeda de Valdeorras ou Sober chegaron a recollerse 30 litros por metro cadrado. Producíronse anegamentos en Monforte, O Barco, vilamartín ou Viana do Bolo. Nestes últimos dous concellos houbo desprendementos de terra o que fixo impracticables varias estradas.

Na Gudiña, as baixadas de auga cheas de cinzas e lodo levaron a prohibir o consumo de auga da traída ata novo aviso.

Antes de que chegara a tronada, en Leiro, os termómetros marcaron case 36 graos