A crise nos socialistas en Santiago, lonxe de resolverse, divide o grupo en dous. O ata de agora portavoz, suspendido de militancia, ten o apoio da maioría do grupo municipal.

Altri, o BNG di que a Xunta bordea a prevaricación con cambios legais a medida ou presionando a altos cargos e funcionarios para acadar informes favorables.

E, o Consello da Xunta sobe o limiar de renda pra acceder a unha vivenda de promoción pública pra evitar que queden fóra familias que pola situación económica teñan preferencia á hora de acceder a pisos protexidos.

O tempo. Seguimos con vento do sur que nos deixarán o ceo nubrado e chuvascos, máis probalbe na fachada atlántica onde poden ter cerácter treboento.

Confírmase a ruptura interna do PSOE compostelán. Catro dos seis concelleiros do grupo municipal desafían a orde da executiva de nomear a Sindo Guinarte como novo portavoz. Denuncian presións pra ceder unha acta e facilitar a entrada na corporación de Aitor Bouza.

Por outra banda, este luns houbo Consello da Xunta, que dá un primeiro paso pra elaborar o novo plan eólico. Incrementarase o obxectivo de potencia instalada, actualmente en 6.500 megawatts.

Ademais, o goberno galego acordou subir o limiar de renda pra acceder a unha vivenda de promoción pública.