Resaca esta mañá da multitudinaria manifestación que percorreu as rúas de Vigo esa pasada noite pra demandar melloras na sanidade viguesa... Unha mobilización que o conselleiro non comparte por estar baseada di en mantras ideolóxicos e non en datos. Que son, di, incontestables, no que ó compromiso da Xunta coa área sanitaria viguesa se refire.

Os taxistas de Santiago piden ao concello que conceda só 15 novas licenzas de taxi e que todas sexan pra vehículos adaptados.

A Xunta presentou unha nova promoción de vivenda pública na Coruña. 50 pisos pra alugueiro no barrio de Xuxán.

Política Social sanciona a Valdoviño por incumprimentos no Servizo de Axudas ao Fogar. O concello di sentirse totalmente afogado ante a falta de axudas por parte do goberno autonómico

Un hospital mal aproveitado, servizos privatizados, pouco persoal para unha comarca con alta demanda: é o mapa que debullaron a pasada tarde en Vigo sanitarios, usuarios, sindicatos, tamén a oposición ó PP no Parlamento galego. Saíron ás rúas para esixir a reconstrución da área sanitaria.

Esta mañá nova protesta sanitaria pero neste caso para reclamar a xornada de 35 horas semanais para todo o persoal.

A cara positiva está un ano máis no balance de transplantes. A nosa comunidade suma récord unha vez máis: máis de 420 transplantes, máis dun por día. A lista de agarda reduciuse á metade na última década.

Nos deportes, xa non quedan equipos galegos na Copa do rei de fútbol. Trala eliminación do Ourense e do Pontevedra, o Celta non puido co Madrid no Bernabéu pese a forzar a prórroga.

Arestora trascorre polas rúas de Vigo unha manifestación convocada pola plataforma SOS Sanidade Pública para denunciar o deficiente servizo sanitario con que conta a comarca. Achacan a situación sobre todo a condición de hospital semi privado do Álvaro Cunqueiro, o que repercute en toda a área. Alfonso Rueda di que é unha convocatoria cun claro sesgo político.

Todo isto nun día no que coñecimos que se bateu o récord anual de translantes con 424.