O foco da crónica municipal está hoxe en Santiago.

O grupo socialista reúnese este luns pra elixir o seu portavoz, trala proposta da executiva local de noemar a Sindo Guinarte, en lugar do xa suspendido Gonzalo Muiños.

Os edís do PSOE compostelán acudirán divididos...

-Preto de 200 persoas reclaman nas Pontes, convocados pola CIG, un plan industrial pra comarca tralo peche da central térmica de Endesa.

-Manifestación este domingo tamén en Sanatiago...Os veciños da parroquia de Laraño protestaron pola próxima colocación dos paneis antirruido fronte ás súas casas...Mañá martes reúnense con responsables de Adif.

-Incendio na planta de reciclaxe do Concello de Lousame...Bombeiros dos parques provinciais de Boiro e Ribeira participaron este domingo na extinción dun lume declarado no complexo de tratamento de residuos sólidos de Servia

Ata un ano para conseguir unha cita co psicólogo. É o panorama dalgunhas cidades galegas, de media en toda a comunidade hai seis meses de agarda. De contado escoitamos ó colexio de psicólogos, que alerta do empeoramento da saúde mental cando non se actúa a tempo.

Na sanidade por certo agárdase que o pico da gripe chegue nos vindeiros días, xa se está a notar o aumento de ingresos por este motivo.

No tocante á prevención da gripe aviar, prohibido ter galiñas soltas en sete concellos da provincia de Pontevedra. A medida, decretrada polo Ministerio de Agricultura, entra esta xornada en vigor.

Nos deportes, o Celta perdeu contra o Athletic en Balaídos por 1 a 2.

Ata un ano de espera pra unha primeira consulta no psicólogo do Sergas. Son os datos dos que hoxe nos alerta o Colexio de Psicoloxía.

Nun domingo no que a comarca do Eume votouse ás rúas das Pontes pra pedir un plan industrial que garanta o futuro económico da zona tralo peche tralo impacto do peche da central térmica.

Atentos ás estradas, o xeo provocou varias saídas de vía esta mañá no Saviñao, en Lugo, sen maiores consecuencias.

Tempo de entrevista... ¿É posible establecer un mapa xenético dos galegos? E con esas coincidencias ofrecer medicina personalizada? Xa adiantamos que a resposta é si... E xa hai un proxecto en marcha: chámase Xénoma Galicia e é pioneiro polo volume de poboación a analizar.

Pra saber máis, Andrea Oca conversa coa súa coordinadora.

Segue o conflito sobre a aplicación da xornada de 35 horas ao persoal do Sergas. Hoxe houbo unha concentración para reclamala e para denunciar que a solución non pode ser a voluntariadade de traballar os sábados para os médicos, nos centros nos que se poida, e non para o resto dos sanitarios.

Na política, José Ramón Gómez Besteiro revalida o seu posto de Secretario Xeral do PSdG ao non concurrir ninguén máis ás primarias. Ocorre o mesmo día no que o partido expedientou ao ata de agora portavoz no concello de Santiago, Gonzalo Muiños.