O tribunal do xurado do crime de Samuel Luiz comeza hoxe a súa deliberación para determinar cal foi a participación de cada un dos cinco acusados na malleira que lle causou a morte ao mozo hai máis de tres anos.

-A Xunta vai modificar finalmente o tramo da senda ciclista entre Milladoiro e San Caetano que afecta ao banquete de Conxo. Faino trala apertura de dilixencias penais contra o proxecto

-Hoxe arranca unha folga de máis de dous meses no reparto de Correos da quenda de tarde en Teo. Os traballadores reclaman un contrato a tempo completo xustificado, dín, polo aumento da carga laboral.

-A asociación cultural Ferrolterra Antiga vén de solicitarlle formalmente ao Concello de Ferrol a restauración da Fonte Wallace

Milleiros de persoas encheron en Santiago a praza da Quintana para esixir cambios á Xunta cos que reverter a actual situación do galego. A plataforma Queremos Galego esixe entre outras cousas a derrogación do chamado decreto do bilingüismo co que se iniciou o declive da lingua.

E este luns temos varias citas nos tribunais: na Coruña é o momento para o xurado que comezará a deliberar sobre a culpabilidade dos acusados pola morte de Samuel Luis; constitúese en Ourense outro xurado no inicio do xuizo polo coñecido como crime de Velle, e, en Madrid, cita de Sito Miñanco na Audiencia Nacional.

As estradas deixanon unha víctima mortal. Un home morreu nun accidente en Quiroga. O coche que conducía saiuse da vía en Vilarmel e caeu por un desnivel de 80 metros. O coche foi atopado onte, pero crese que o sinistro xa tivo lugar o sábado.

Deportes. O Deportivo caeu en Almería. A primeira derrota desde que Gilsanz colleu a dirección do equipo.

O tempo. Hoxe aínda continuamos baixo a influencia das altas presións, aínda que irá entrando aire frío nas capas altas da atmosfera que deixará algo de inestabilidade.

Na portada tamén, información de servizo. Dentro duns minutos, a partir das oito, e ata o martes que vén córtase de novo o viaduto do Castro da A6 sentido Madrid, o que obriga durante unha semana a desviar o tráfico polo centro de Pedrafita.

O corte é preciso para rematar o asfaltado e a execución das xuntas de dilatación dos viadutos entre os kilómetros 431 e 430 no treito que une as provincias de Lugo e León.

Así, durante os vindeiros días os condutores que viaxen sentido Madrid terán que abandonar a A-6 entre os kilómetros 432 e 422; é dicir, terán que volver atravesar Pedrafita e circular pola vella Nacional Sexta.

O carril que se corta esta semana é o que entrou en servizo hai case un ano, en decembro de 2023.

Queremos Galego reúne en Santiago a milleiros de persoas para reclamar un cambio na política lingüística da Xunta. Colectivos e cidadáns saen á rúa despois dos últimos datos do IGE nos que se puxo de manifesto que hai xa máis xente en Galicia que fala castelán que galego e que un terzo da mocidade menor de 15 anos non sabe falar a nosa lingua propia.

BNG e PSOE sinalan as políticas do Partido Popular mentres o conselleiro de Lingua defende que a competencia do galego está máis que acreditada.

No tempo da entrevista falamos co maxistrado Fernando Lousada, que recibirá esta semana un dos premios Meninas que concede a Delegación do Goberno a quen mostra o seu compromiso na loita pola igualdade.

Entrevista a Fernando Lousada, Magistrado del Tribunal Superior de Justicia de Galicia, realizada por Xosé Manuel García.

O PP rexistrou unha enmenda aos presupostos da xunta para permitir tramitar de novo os parques eólicos que se atopen parados. Unha medida que din, busca reactivar un sector "castigado por decisións xudiciais".

Tamén hoxe a Xunta avanzou desgravacións no treito autonómico do IRPF a quen arrende inmobles que leven alomenos un ano baleiros.

Dende a oposición... O BNG subliña que estes presupostos non benefician máis cás empresas concesinarias de servizos públicos e á industria eólica. E o PSOE cre que as iniciativas presentadas en materia de vivenda son un invento de última hora....

De contado escoitamos todas estas voces... e falaremos tamén da industria musical co responsable de Esmerarte Industrias Creativas, con Kin Martínez, un dos galardoados nos premios da cultura galega.

Falaremos da industria musical cun dos galardoados nos Premio da Cultura Galega, Kin Martínez, responsable de Esmerarte Industrias Creativas. Esta empresa está detrás de eventos tan relevantes coma o Son do Camiño. Ademais, vén de ser nomeada mellor promotora nos premios AUPA.

Co seu director conversa Andrea Oca

Chegou a súa fin o xuizo pola morte de Samuel Luiz no que atinxe a comparecencias. A última sesión deu pé para que alegaran os avogados e que os acusados. Os letrados argumentaron que non había intención de matar por parte dos acusados nin intención homófoba. Os imputados pediron perdón e reclamaron a súa inocencia.

Nas últimas horas estamos tamén moi pendentes dunha operación antidroga que tivo lugar en augas de Canarias. Aprenderonse 4.000 kilos de cocaína que ían destinados as organizacións galegas do narcotráfico.

Últimos alegatos no xuizo polo crime de Samuel Luiz. Hoxe era o turno das defensas, nas que a estratexia xeral dos dissintos avogados está a ser diluir a responsabilidade individual de cada un deles, fronte á acusación de agresión en manada feita pola fiscalía. Apelan ó consumo de alcol e sustancias, negan que houbera intención de causa-la morte de Samuel ou que deran os golpes mortais... ou mesmo algún golpe. O xuizo, que hoxe cumpre un mes dende o seu inicio, reanudarase o luns coa entrega ó xurado do obxecto do veredicto, pra que comecen a decidi-lo reparto de culpas. Un caso que se achega á resolución oficial, outro que comeza: en Baiona, o xlgado decretou o ingreso en prisión provisional do detido pola morte de Estela Blach hai unha semana.