Os restos do furacán Kirk deixan un forte temporal de vento e chuvia que nos afecta especialmente durante estas primeiras horas da maña. Hai aviso laranxa en toda a comunidade e nas distintas áreas marítimas, agás nas Rías Baixas onde MeteoGalicia a elevou a vermella.

De momento, os incidentes son de escasa importancia e están protagonizados, sobre todo, pola caída de árbores e pólas.

A Consellería de Educación suspendeu as actividades no exterior durante todo o día en tódo-los centros educativos de Galicia

Nestas primeiras horas da mañá vana continuar as chuvias xeneralizadas, intensas e persistentes. Os ventos do suroeste con intensidade moi forte durante a mañá, co avance da tarde virarán a noroeste e irán amainando.

Destacan tamén as altas temperaturas... por exemplo na Coruña ás tres da mañá había case 24 graos e 22 en Ourense ou Vigo.

Medra a polémica pola falta de actuación das forzas de seguridade dos incicentes das horas previas ao partido entre Depor e Málaga na Coruña. 

Unha actuación que defende a subdelegación do Goberno, pero que os sindicatos de policía tildan de insuficiente.

- Quedan en liberdade as nove persoas detidas en Santiago pola súa suposta participación nuns incidentes rexistrados trala manifestación en solidariedade con Palestina do domingo. 

-Muxía ten novo alcalde, é o independente Francisco Javier Sar, despois de que prosperase a moción de censura contra o socialista Iago Toba

- As carencias de persoal no Clínico de Santiago seguen provocando demoras nas revisións de pacientes de cancro en fase de control. Desde a Asociación de doentes do CHUS denuncian atrasos en radioloxía

Hoxe coñeceremos algúns dos plans da Xunta para 2025. O presidente Alfonso Rueda comparece no Parlamento para avanzar as liñas dos orzamentos para o vindeiro ano, como en vivenda, materia na que adiantou que haberá importanates investimentos.

E, confirmouse como un novo caso de violencia de xénero a morte dunha muller esta fin de semana en Moaña. O detido polo presunto homicidio xa foi enviado a prisión.

O tempo. Achéganse os restos do furacán Kirk de xeito que van ir empiorando as condicións meteorolóxicas. Vaise notar sobre todo pola tarde-noite, aínda que o peor día será o mércores.

En Vimianzo, na parroquia de Cambeda, xa viviron este luns un tornado que levantou tellados e arrincou árbores, pero non causou danos persoais.