-Localizado o corpo sen vida do veciño de Boiro que estaba desaparecido desde o 30 de setembro. Foi atopado flotando na desembocadura do río Ulla en Rianxo.

-Nova denuncia polo colapso das urxencias do CHUS. A Asociación de Pacientes contabilizou a primeira hora do martes ata 20 pacientes graves agardando nos corredores do servizo.

- En Oleiros, as ANPAS dos colexios Juana de Vega e Rabadeira concentráronse diante do Concello. Aseguran que a consellería de Educación está a reducir profesorado a pesar de que o número de alumnos vai en aumento.

Varios centros de ensino aínda non poderán reanudar hoxe con normalidade as actividades. Por danos nas instalacións este mércores houbo que suspender as clases no Grove, Porto do Son, Pontecesures ou Outes.

En moitos municipios aínda toca facer reconto de danos e amañar os desperfectos provocados pola borrasca que tamén deixa perdas importantes no agro... boa parte do millo que non fóra ensilado botouse a perder.

Das últimas horas destacamos tamén o anuncio de que a próxima semana o goberno iniciará os trámites pra poñer en marcha novas bonificacións na AP-9.

Deportes: O San Tirso, equipo do concello coruñés de Abegondo, coñecerá hoxe a que equipo de primeira se vai enfrontar na Copa... os preferidos, Atlético ou Celta. No sorteo tamén estará o Compostela que gañou en Sestao.

- A Cig levará á reunión desta mañá coa Inspección Educativa a falta de profesorado en 62 centros educativos da provincia.   

-Avances na creación do futuro parque comarcal de bombeiros de Compostela. O 25 de outubro haberá unha reunión entre todos os concellos implicados pra avanzar no proxecto.

- Na Coruña, o goberno local anuncia a implantación de 165 sinais luminosos novos pra mellorar a seguridade viaria na cidade.