Bo día...A investigación apunta a que o incendio de seis camións da recollida do lixo na Coruña foi intencionado. o incidente prodúcese trala recente folga que levou a Coruña á emerxencia sanitaria. A alcaldesa de Santiago rexeita a suba do canon que Sogama cobra aos concellos pola xestión dos residuos. Un aumento que cualifica de escandaloso. Preto de cen traballadores do conce1lo compostelán continúan á espera de tomar posesión das súas prazas como funcionarios, logo de pecharse o proceso de consolidación en xaneiro. Este martes volven mobilizarse na Ponte da Pasaxe os mariscadores da Ría do Burgo. Piden á Xunta que convoque a Mesa de Seguimento pra forzar unha resposta do goberno central ante a falta de axudas.

A oposición anuncia unha ofensiva desde os concellos contra a suba que Sogama quere aplicar ós concellos polo tratamento de lixo. Incremento que os municipios deberían repercutir nos cidadáns. A recollida de lixo tamén está a resultar un grave problema para o concello da Coruña, que non está en Sogama. A concesionaria, co contrato prorrogado, viu como onte lle ardian seis camións de recollida de residuos. Un incidente que se relaciona coa recente folga.