As portas da vendima, a Xunta ten previsto aprobar hoxe medidas pra paliar o excedente de viño na Ribeira Sacra e que complica a recollida de uva nesta campaña. Unha delas e a que se chama detilación de crise que non convence ás adegas.

Un incendio no túnel de Folgoso, na Cañiza, na A-52, complicou as últimas horas da operación retorno de agosto. O lume nun coche obrigou a cortar o tráfico nas dúas direccións... a circulación xa se restableceu. Na mesma vía e no mesmo concello, un coche que circulaba sentido contrario e impactou contra unha ambulancia que transportaba dos pacientes que resultaron feridos leves. O conductor do turismo sofriu feridas graves.

Deportes: Segunda derrota do Celta, desta volta en Pamplona. O Deportivo gañou o chamado derbi das rías ó Racing.

O tempo: O paso dunha fronte pouco activa ao principio da xornada e os ventos de compoñente norte que introducirán aire frío serán os factores predominantes da meteoroloxía desta xornada. 

Normalidade a esta hora nas estradas no último día da Operación Retorno do Verán. A Dirección Xeral de Tráfico prevé que despois de comer se intensifiquen os desprazamentos. Unha volta a casa pra moitos, que se cruzarán no camiño cos que agora comezan o descanso estival. Cada vez son máis os que elixen setembro pras súas vacacións. O Clúster de Turismo de Galicia estima que se o tempo acompaña, a ocupación podería chegar este mes ó 70 por cento.

O epicentro da política está hoxe no concello pontevedrés de Cerdedo-Cotobade. O PP comeza alí curso político, coa presenza do líder nacional, Alberto Núñez Feijóo. Discursos con críticas reiteradas ó Goberno ó considerar que cede á chantaxe dos nacionalismos mentres discrimina a autonomías como Galicia.

Das estradas, e en plena operación Retorno do Verán, a autovía A-8 tivo que ser cortada xa de madrugada á altura do Fiouco, unha vez máis por mor da néboa. A circulación entre Lourenzá e Abadín está a ser desviada pola Nacional 634. 

Ademais, un peón de 53 anos faleceu este sábado ó ser atropelado por un turismo no concello coruñés de Brión. 

E na Coruña, a policía busca a un home que agrediu con arma branca ó condutor dun autobús na Mariña.

Por outra banda, Galicia despide o mes de agosto con máis de 230 hectáreas afectadas por incendios forestais, segundo as últimas cifras actualizadas.