Ourense contará cun novo hospital materno. Xunta e Sergas planean demoler o actual e levantar un novo edificio que esperan comezar a construír a finais do 2025

A Escola Naval de Marín recibe hoxe á Princesa de Asturias pra completar a súa formación como gardamariña de terceiro curso

Tres operarios resultan feridos na explosión dun depósito nunha nave en Boiro.

O estourido produciuse cando estaban a misturar materiais para a fabricación de poliuretano.

Os traballadores de Alcoa preocupados pola falta de información sobre o futuro da planta de San Cibrao e presionan ás administracións. Veñen de pedir unha reunión co presidente da Xunta.

En Navantia, a presión dos traballadores na negociación do convenio colectivo ralentiza os traballos e ten consecuencias para os operarios das empresas auxiliares.

Hoxe contámoslles tamén que a Xunta declara outros nove focos da enfermidade hemorráxica epizoótica, que dimite a concelleira de Cangas que deu positivo nunha proba de alcolemia e que a Xunta declara a prealerta por seca na vacía do Lerez.

Deportes: Terceira tirada en Galicia da volta ciclista a España, hoxe con final en Manzaneda.

O tempo: Xornada de inestabiliade. Estará nubrado no norte e prevense chuvascos de tronada pola tarde no leste de Ourense. Temperaturas máximas máis baixas.

Institucións, autoridades e o mundo editorial despiden hoxe a Santiago Rey Fernandez-Latorre, o home que deu forma Á Voz de Galicia tal e como hoxe a coñecemos. Durante 60 anos dirixiu os destinos do xornal fundado polo seu avó dende distintos cargos, e liderou a súa transformación tecnolóxica... Entre o seu legado, as numerosas edicións locais, a creación do grupo empresarial e audiovisual que o rodea, e a conversión do xornal no de maior difusión e maior poder da comunidade.

En Betanzos, a pasada tarde escenificouse no Plenoa ruptura do Grupo Municipal do Partido Popular tra-las discrepancias a raíz da elección do representante das festas. 

Estamos pendentes dun incendio forestal en San Cristovo de Cea, en Ourense, xa está estabilizado, e leva calcinadas 70 hectáreas.  

Na Coruña, os mariscadores da ría do Burgo volveron manifestarse na ponte da Pasaxe. Nunha marcha ata o concello de Oleiros, reclamaron axudas mentres a ameixa non acada o talle comercial.

As víctimas do Alvia critican a falta de resposta dos dous partidos maioritarios, PP e PSOE, con responsabilidades no goberno, tra-la sentenza que condenou ó Adif. Rexistraron unha petición de entrevista co ministro Óscar Puente o que lle demandan o relevo da actual directora xeral de Seguridade de Adif, Esther Mateo.

Por certo, o titular de transportes volverá a comparecer, neste caso no Congreso, para dar conta das numerosas incidencias ferroviarias. 

Deportes: Segunda tirada en Galicia da volta ciclista a España con saída e chegada a Padrón.

O tempo: Perdemos a influencia anticiclónica co paso dunha fronte moi desfeita. Teremos máis nubes e non se descarta algunha chuvia feble no noroeste.

Hai un mes coñeciamos a sentenza do Alvia con condenas para o maquinista e o que foi responsable de seguridade na circulación de Adif. As víctimas critican a falta de resposta dos dous partidos maioritarios, PP e PSOE, con responsabilidades no goberno e piden unha reunión co ministro de Transportes ó que lle demanda unha investigación técnica independente do descarrilamento e o cesamento da actual directora xeral de Seguridade de Adif, Esther Mateo, que declarou asinou un informe no que respaldaba a seguridade na liña entre Ourense e Santiago.

Problemas no servizo de Correos do Baixo Miño. Segundo Comisións Obreiras entre o 50 e o 70% dos empregados están de vacacións.

 En Pontevedra, fin do entendemento entre BNG e PP. Volven as tensións entre Concello e Deputación pola reforma de Santa Clara.

 Primeiras reaccións ó anuncio do ministerio de transportes de iniciar un estudo de viabilidade para conectar por tren Lugo e Santiago... PSOE e BNG celebran o avance e a Xunta amósase escéptica.