Bo día.. o alcalde de Vigo pide explicacións á Xunta polo sobrecuste que tivo a construcción do hospital Álvaro Cunqueiro. O conselleiro de sanidade pide prudencia.

En Santiago, doentes do Hospital de Coxo quéixanse das altas temperaturas no centro sanitario. o defensor do Paciente vén de trasladar a situación á Fiscalía Superior de Galicia.

Os socialistas ourensáns consultarán ao parlamento galego sobre a senda peonil que a Xunta está a construir no barrio da Ponte. Anpas de centros educativos denuncian falta de docentes pro próximo curso. Din que a consellería non está a cumpri-lo acordo asinado e xaneiro cos sindicatos.

O comezo do mes de agosto non está a rebaixar a intensidade do debate político, desta volta a raiz do informe do Consello de Contas que contabiliza o sobrecuste da construcción do Hospital Álvaro cunqueiro en 470 millóns de euros. A oposición pídelle a Alfonso Rueda que dea explicacións e que revirta a situación para facelo un centro sanitario público cento por cento. o Conselleiro de sanidade e o PP din que era o único xeito de executala a obra naqueles momentos. A un mes de que comece o curso escolar as Asociacións de Pais e Nais denuncian que non se van cumplir as ratios de profesor/alumno pactadas con sindicatos e que nalgúns casos vai haber clase saturadas.

No tempo, este venres Galicia queda entre as altas e baixas presión que deixarán un día pola mañá con nubes baixas que darán paso a unha tarde de ceos despexados.

A CIG denuncia a falta de transparencia con que se acadaron os acordos pra reforma da xubilación

O sindicato lamenta que se perdera unha oportunidade pra corrixi-lo aumento da idade de retiro aprobado en 2011, e introducir coeficientes redutores pra traballos penosos

A Valedora do Pobo pide máis medidas ó goberno galego pra acabar co atraso crónico das dependencias

A consellería recoñeceu a acumulacion de expedientes e a falta de persoal, pero a valedora insta a redobrar esforzos, tras una denuncia do sindicato labrego galego

No Parlamento quedou aprobado o teito de gasto só cos voto dos populares e que se eleva a case 14 mil millóns de euros. 

En canto ao tempo, agardamos que unha frente pouco activa se achegue a comunidade e deixe ceos anubrados principalmente pola mañá.

Administracións e organizacións que traballan co colectivo atenden xa ó cento de migrantes que chegaron a pasada noite ó monte do gozo... Un dispositivo que se ampliará hoxe coa chegada doutros 170 refuxiados. Chegan en bo estado de saúde, pero cun amplo traballo por diante pra aprende-lo noso idioma e capacitarse pra iniciar unha nova vida. Dende Becerreá, un dos seus destinos, apuntan á necesidade de sermos solidarios, pero tamén a que alí hai oportunidades pra que fixen a súa residencia

- Na Coruña, Prezero, empresa concesionaria da recollida de lixo , executa os tres primeiros despedimentos disciplinarios a traballadores.

-En Ourense os sociAlistas denuncian a desatención por parte do Concello do termalismo na cidade, algo que está a afectar, dín, o turismo da capital

-En Lugo, a deputación aproba en pleno unha moción, coa abstención do PP, para reclamar á Xunta a anulación da suba do canon do lixo que fixou Sogama ós concellos.