Vanse cumprindo os compromisos de acollida dos migrantes menores de idade procedentes de Canarias. O primeiro grupo de 104 mozos de orixe malinesa pasaron a primeira noite no albergue do Monte do Gozo. Outro sumarase de 170 chegarán hoxe. Deles un cento quedan en Santiago e o resto vai a Becerreá, no que é sen dúbida unha mostra de solidariedade.

De insolidario entre as comunidades autónomas cualifica o presidente da Xunta o novo sistema fiscal pactado polo goberno con Esquerra para Cataluña. Alfonso Rueda describe a situación como "loucura".

E falando de contas públicas dicir que hoxe o parlamento celebra un pleno extraordinario para aprobar o teito de gasto da Xunta.

Galicia non é allea á polémica ante as noticias que apuntan a que o goberno estaría disposto a acordar algo semellante ó concerto económico vasco pra Cataluña. O presidente da Xunta pide que se free esta loucura, e advirte de que iso suporía creba-la igualdade territorial. Cre que é máis urxente ca nunca a convocatoria da Conferencia de presidentes que veñen demandando, pra que se poidan dar, no órgano multilateral que corresponde, cumpridas explicacións. O delegado do goberno rexeita as críticas e salienta que 20 das 26 conferencias deste tipo foron convocadas por Sánchez. E o lider dos socialistas galegos cre que o imporante é que Galicia tamén teña un financiamneto singular

- En Vigo, os traballadores do servizo de mantemento dos parques e xardíns suspenderon a folga indefinida ata o vindeiro 8 de agosto. Comezarán hoxe a recoller o lixo que se amorea nas zonas verdes das praias. 

-Hoxe agárdase que comecen a chegar ó albergue de Monte do Gozo en Santiago, os primeiros inmigrantes procedentes de Canarias que serán acollidos en Galicia. 

-En Pontevedra, xa están en marcha as obras de reforma do nó de Bombeiros que implementa cambios nas vías de entrada e saída da AP-9 

A Xunta fixou o teito de gasto para os orzamentos do ano próximo. Elévase a case 14 mil millóns de euros. É o máis alto ata o de agora e supón un incremento do 2,5 por cento sobre o deste ano. Así dase o primeiro paso para que as contas autonómicas entren en vigor o 1 de xaneiro.

Foi un acordo do consello da Xunta deste luns que tamén aprobou o anteproxecto que regulará os medios públicos galegos. A CRTVG pasará a denominarse Corporación de Servizos Audiovisuais de Galicia. Un anteproxecto que abre unha nova polémica coa oposición que denuncia que vai servir para que o PP controle a radio e a televisión galegas.

No tempo, a tarde pasada déixanos treboadas con 3.500 lóstregos, a maioría na provincia de Lugo, nunha tarde con fortes choivas e saraiba en numerosas localidades, tamén en Ourense.

Para este martes, a previsión é que seguirán as choivas, aínda que con menos intensidade e sen avisos por tormenta.

Consello semanal da xunta moi cargado nesta última cita do mes de xullo... Aprobouse o teito de gasto pro vindeiro ano, que será o máis alto da serie histórica, dende o ano 2012 en que a Xunta foi a primeira en dar este paso pra garanti-la estabilidade das contas públicas. TAmén se aprobou un anteproxecto de lei pros medios públicos galegos que modificará o sistema de elección do seu consello e o nome da compañía. O presidente da Xunta asegura que se garantirá unha produción 100% en lingua galega. A oposicion cre que será a entrega definitiva do seu control ó partido popular. 

- A familia de Antonio Casares, a vítima mortal número 80 do accidente do Alvia, estuda recorrer a sentenza. A xuíza non contempla a Antonio como vítima mortal. 

-Avanza a limpeza das rúas na Coruña... A empresa de reforzo durante a emerxencia sanitaria recolleu xa 198 toneladas de lixo, segundo os últimos datos facilitados polo Concello.

-En Lugo, o presidente da Confederación Hidrográfica do Miño Sil, estará hoxe na cidade para supervisa-lo traslado dos mexillóns do Río Miño a unha zona que permita arranxar o caneiro do Muíño sen prexudicar á especie.

Primeiras horas nas súas casas dos catro sobreviventes galegos do naufraxio do "Argos Georgia". O capitán e o primeiro oficial nada máis chegar a Santiago tiveron que ser trasladados ao hospital pero finalmente puideron pasala noite nas súas casas. Os corpos dos outros tres mariñeiros falecidos foron trasladados a Gran Bretaña onde se lles practicará a autopsia. E nas augas austrais segue a busca dos desparecidos.

A sentenza polo accidente do Alvia segue a ter repercusións. Os familiares do home que foi o 80 falecido no descarrilamento anuncian que a recorrerán por non incluilo entre as vítimas. Morreu 73 días despois do sinistro.

O tempo.... Tras unha noite cálida hoxe será un día inestable, con nubes de evolución desde a mañá que traerán chubascos treboentos que poderán ser localmente fortes xa pola tarde. As temperaturas ainda poderán subir un chisco máis.