Xa están en terra 13 dos catorce superviventes do naufraxio do Argos Georgia. O outro e os corpos dos nove falecidos chegarán pola tarde. Exteriores e a casa armadora manteñen conversas para organizar a repatriación.

En augas de Malvinas queda outros catro mariñeiros, dous galegos de Ribeira e Noia, e os labores de busca están suspendidos.

Unha nova traxedia, esta no mar, que chega na avíspera do 25 xullo... xornada festiva na que Santiago é o centro de atención coa tradicional ofrenda ó apóstolo, na que o presidente do Parlamento representa ó Rei, e a manifestación nacionalista que celebra o Día da patria galega.

Xornada festiva na que de novo teremos o ceo prácticamente despexado e temperaturas altas, aínda que sen chegar ós valores que se acadaron o martes. Aínda así, na metade sur estarán entre os 30 e os 35 graos.

Vítimas e familiares do accidente do Alvia maniféstanse hoxe entre a estación de tren de Santiago e o Obradoiro no undécimo aniversario do sinistro. 

A concesionaria da recollida do lixo da Coruña sanciona a 29 traballadores coa suspensión de emprego e soldo durante uns días. 

O Concello de Ourense aprobou nun pleno extraordinario o pago de facturas pendentes do ano pasado. Unha das partidas supera os 10 millóns de euros. 

Outra traxedia pesqueira lonxe de Galicia...agora en Malvinas co naufraxio e afundimento do palangreiro Argos Georgia con 27 tripulantes, 10 españois... Alomenos hai seis galegos, tres sobreviviron, dous faleceron e un está desaparecido.

E hoxe, 24 de xullo, lembramos a outras víctimas as do Alvia. Once anos pasaron do descarrilamento en Angrois... Ali vai haber un acto de homenaxe pola tarde... pola mañá, acción reivindicativa que arricará na estación do tren.

E, como tódo-los anos na víspera do 25 de xullo entréganse as medallas de Galicia.... este ano recoñecemento ó sector audiovisual: galardóns para Luis Tosar, Zaza Ceballos e a Academia galega do audiovisual.

O tempo. Segue a calor, aínda que hoxe se producirá un lixeiro desceso das máximas. Este martes bordeáronse os 42 graos en varias localidades ourensáns.

Pendentes hoxe, un día máis, dun accidente marítimo. Un pesqueiro sufriu esta madrugada unha vía de auga importante en augas das Malvinas. Trátase do palangreiro ARGOS GEORGIA, con 27 tripulantes... A oficialidade, os mandos, son españois, tamén dous observadores oceanográficos. Hai varios galegos a bordo, 8 rusos, e tamén indonesios, uruguaios e peruanos. Puideron lanzarse ó mar nas balsas salvavidas e dar dende alí a voz de alarma esta medianoite. Hai pesqueiros galegos xa na zona, tratando de acudirlles, ademáis de embarcaciones e helicópteros de salvamento, pero as condicións son moi malas: baixas temperaturas, alí é inverno, e mala mar. 

Na Coruña, de madrugada os bombeiros apagaron novos incendios en colectores de lixo. O goberno local declarou a situación de emerxencia pero ata mañá non adxudicará a recollida dos residuos amoreados a unha nova empresa.

Problemas na estrea do Avlo entre Galicia e Madrid. A primeira viaxe entre Vigo e Madrid realizouse sen problema, pero pola tarde o de regreso à Coruña chegou con dúas horas e media de retraso. O motivo unha avaria na estación de Chamartin.

Unha muller faleceu a pasada tarde cando se atopaba na auga na praia de Anido, en Muros. Foi achada inconsciente e rescatada por unha mariscadora, pero xa non se logrou salvarlle a vida.