Na Coruña, concluída a segunda xornada de folga no servizo da recollida do lixo na Coruña, as bolsas con refugallos seguen polas rúas da cidade. Os traballadores desbotaron, de novo, acudir á convocatoria por considerar abusivos os servizos mínimos

- PP, Unidos por Sada e PSOE forzan a convocatoria dun pleno extraordinario dedicado en exclusiva a contratacións. 

-O Concello das Pontes estuda a documentación aportada por Endesa para autorizar a demolición da planta. Prevén dar unha resposta nuns días. 

-En Santiago, o bus urbano seguirá chegando a Os Tilos, en Teo. O goberno local someterá á aprobación do pleno unha prórroga do convenio asinado co concello veciño e máis coa Xunta

Os doentes ingresados no hospital xa non terán que acudir ó centro de saúde pra solicita-la baixa laboral. Ademais, as baixas de longa duración non precisarán de tantas renovacións. Son algúns dos cambios anunciados polo conselleiro de Sanidade no Parlamento e que se porán en marcha ó longo deste ano.

Da pasada tarde tamén, a primeira reunión entre o presidente da Xunta e a alcaldesa de Lugo. Alfonso Rueda avanzou a súa intención de reunirse polo menos unha vez ó ano cos rexedores das cidades

Aquí en Galicia, , comeza arestora no Pazo do Hórreo o último pleno do período de sesións antes do descanso estival. Entre os asuntos máis importantes da mañá destaca a comisión de investigación sobre a prórroga da concesión da AP-9. A partir das once e dez está prevista tamén a comparecencia do conselleiro de Sanidade. Antonio Gómez Caamño presentará as liñas estratéxicas do seu departamento, no medio do debate sobre a reorganización do SERGAS durante o verán. En Vigo, continúa ingresado un home de 94 anos tralo atropelo múltiple nunha terraza da rúa Rosalía de Castro. As 12 persoas feridas estaban sentadas nas mesas dun restaurante. Entre os feridos está un dos camareiros do local, Benito Faro, que tivo que ser trasladado ao hospital con varias contusións e xa foi dado de alta.

Os traballadores da recollida do lixo de Carballo... tamén están en folga... van impugnar os servizos mínimos, que consideran abusivos

O litoral coruñés das Xubias vai contar co arquitecto británico David Chipperfield para a súa rehabilitación integral.

O Tribunal Superior de Xustiza de Galicia lexitima nunha nova sentenza contra as vivendas de uso turístico en Santiago a competencia do Concello pra garantir o uso da vivenda digna. 

As farmacias galegas farán entrega de medicamentos a domicilio en 2025. O servizo vai dirixido a persoas de zonas rurais illadas ou con dependencia.

O Consello da Xunta tamén aprobou o inicio dos trámites pra que as empresas poidan dispor de solo industrial a partir de setembro a custo cero durante oito anos.

E día importante tamén pros estudantes galegos que aspiran a unha praza na Universidade. Hoxe realízanse os primeiros chamamentos. Mañá comezarán as matriculacións.

A falta de persoal está a provocar que se adíen tratamentos a doentes de cancro no hospital de día do Álvaro Cunqueiro de Vigo. En ocasións, tras horas agardando, son enviados ás súas casas sen recibir quimioterapia, coas consecuencias que iso ten pra súa saúde e tendo que volver desprazarse en ocasións dende longas dsitancias. 

A solución pra esa falta de persoal sanitario non debe buscarse no aumento de prazas nas facultades, segundo o reitor da universidade de Santiago, que considera que a oferta actual se axusta xa ás necesidades de formación do sistema de saúde.