Nova mobilización contra a instalación dunha macrocelulosa en Palas... nesta ocasión foi en San Caetano.... os manifestantes rodearon a Xunta: pídenlle que rexeite a proposta da portuguesa Altri polo impacto que terá, non só na comarca da Ulloa.

O SERGAS inicia hoxe o seu plan de verán. O 86 por cento dos MIR de Medicina Familiar e o 23 por cento de Pediatría aceptaron cubrir as vacantes. 

E, este primeiro de xullo tamén comeza a época de alto risco de incendios. 7.000 efectivos e 30 medios aéreos loitarán contra o lume nos próximos meses.

O tempo. Quedamos na influencia das altas presións e con circulación do nordés. Unha situación que traerá ceos pouco nubrados ou despexados ao sur, e nubes no norte

ALTRI NON. É a consigna que milleiros de persoas repiten hoxe en Santiago. Chegados dende distintos puntos de Galicia, rodearon o edificio da Xunta para esixir ó goberno galego que paralice o proxecto da multinacional lusa en Palas de Rei.

É a segunda gran manifestación en contra da fábrica de fibras téxtiles, despois da celebrada na localidade lucense.

Argumento principal nun día no que Cedeira mantén a recomendación de non consumir a auga da billa por un gromo de gastroenterite. 

E no que o PSdeG reclama explicacións sobre a falta de saneamento das rías.

Contra ás dúas menos vinte, chegará a entrevista. Hoxe, co alcalde de Pontevedra, Miguel Anxo Fernández Lores, como convidado.

Quedan dous día para a posta en marcha do plan de verán do SERGAS. O 86 por cento dos MIR de Medicina Familiar e o 23 por cento de Pediatría dixeron SI a cubri-las vacantes. O conselleiro agradece o compromiso mentres os socialistas acusan á Xunta de facer política ficción coa Sanidade.

É o principal titular dun sábado no que seguen os actos do Orgullo e no que Viveiro despide o Resurrection.

Na entrevista, hoxe falamos co debuxante Miguelanxo Prado.

No tempo da entrevista o convidado é o debuxante Miguelanxo Prado, premio nacional de Cómic. 

Galicia hoxe reivindica a liberdade. É o día do Orgullo L G T B I. Arestora están a ter lugar manifestacións nas principais cidades da comunidade. 

E neste último venres de xuño, moita xente marcha de vacacións de verán... polo que xa está en marcha a primeira operación especial de tráfico. Haberá maior vixilancia co obxectivo de reducir o número de accidentes.

E contamos hoxe o acto de entrega das medallas Castelao. Alí, o presidente da Xunta lembrou as enormes dificultades que tivo o asentamento da democracia nos primeiros anos.

En pouco máis dunha hora ponse en marcha a primeira operación especial de tráfico do verán. Haberá maior vixilancia co obxectivo de reducir o número de accidentes e é que partimos de datos moito peores cos de 2023 a estas alturas de ano. Un 30 por cento máis de falecidos, o último un motorista que faleceu onte á noite en Vigo. Distraccións, velocidade e alcol seguen a ser as principais causas dos accidentes. Esta fin de semana a saída de vacacións cadra ademáis con moitas festas en toda Galicia.  

Agora escoitamos os plans de trafico e os consellos que nos dan, pero hai outra noticias que merecen a nosa atención, como a celebración do Día do Orgullo.