O concello de Santiago comprométese a abordar con veciños e contratistas solucións á accesibilidade no Pombal. 

 Aprobadas en Ferrol as contas de Emafesa, a empresa municipal de augas, de xestión mixta, con débedas de preto de seis millóns de euros.

 O xuízo polo crime de Samuel Luiz, o mozo falecido tras recibir unha malleira no paseo marítimo coruñés en 2021, foi aprazado ata outubro a petición dun abogado defensor.

Importante mellora na comunicación co aeroporto de Santiago. Xa está aberto o vial que une a autopista e a A-54. Enlace que tamén facilia a mobilidade dos polígonos empresariais do norte de compostela.

Temor na Xunta a que un posible retraso na parte portuguesa do AVE sirva de disculpa ó goberno español para retrasar os trámites.

E Sogama ten previsto explicar hoxe ós concellos a suba do canon que lles cobra pola xestión dos residuos e que atribúe a medidas adoptadas polo goberno central.

As portas do inicio da operación saída para as vacacións de xullo, as estradas déixannos unha nova víctima mortal: un motorista perdeu a vida en Vigo tras bater por alcance contrra un turismo.

Mellora importante nas comunicacións na área de Santiago. Chega cun ano de retraso, pero hoxe entra en servizo o chamado enlace orbital: non é máis que un quilómetro de autovía, pero permite comunicar a AP-9 coa A-54 a que vai ó aeroporto (e a Lugo cando estea rematada) e os parques empresariais. Supuxo un investimento de 25 millóns.

A conexión axudará a quitar tráfico, sobre todo camións, do periférico.

No acto de apertura estivo o secretario de Estado de transportes que antes visitou, precisamente, as obras de construcción do viaducto de Pambre na autovía entre Lugo e Santiago.