José Luis Costa Pillado, Presidente do Consello Consultivo de Galicia, elixido como un dos vocais no Consello Xeral do Poder Xudicial tra-lo acordo ao que chegaron hoxe PSOE e PP. 

O entendemento entre socialistas e populares tamén se viu reflectido na reunión que mantiveron esta mañá o presidente da Xunta e o alcalde de Vigo tra-las últimas eleccións autonómicas.

Todo nunha xornada na que tamén coñecemos que se conclúe a investigación dos vídeos de mulleres ouriñando na Maruxaina. O xulgado ordena segui-la causa contra un sospeitoso. 

Ben no forma e no fondo. é o que dixo o alcalde de Vigo, Abel Caballero, tras reunirse co presidente Alfonso Rueda na delegación da Xunta na cidade olívica. Caballero compareceu logo no concello e foi debullando os distintos temas que abordaron na xunta. En xeral -dixo- houbo boa sintonía.

Varios asuntos relacionados co medio ambiente chaman hoxe a nosa atención. A Xunta, coa oposición veciñal, aprobou o carácter estratéxico da mina de Touro. Ademais, no consello deste luns puxo en maracha os trámites para unha nova lei de administración ambiental simplificada. E, hoxe no Parlamento inicia o seu trámite o proxecto de lei que regula o aproveitamento dos recursos naturais.

Outro asunto do que estar pendentes este martes. A primeira reunión entre Alfonso Rueda e Abel Caballero. Terá lugar na delegación da Xunta en Vigo.

O TEMPO. aumenta a inestabilidade atmosférica e pola mañá mesmo hai risco dalgún orballo no noroeste da Coruña. Pola tarde medrarán nubes de evolución no interior que poden deixar chuvascos tormentosos. Baixan as temperaturas máximas

A mina de cobre ubicada entre os concellos coruñeses do Pino e Touro foi declarado pola Xunta como proxecto industrial estratéxico. Eso permite reducir á metade os prazos de tramitación.  

En Compostela, aprobado o proxecto da normativa sobre as vivendas de uso turístico co voto favorable do PSdeG, desobedencendo así a orde da direción local que avogaba pola abstención. 

E concluida a operación Pokemon tras dúas décadas. os once acusados da última peza da operación Pokemon chegaron a un acordo de conformidade coa Fiscalía.