En pleno debate sobre financiamento, o ministerio de Facenda informou de que Galicia vai recibir máis de 10.500 millóns de euros. A cifra supón a maior entrega á nosa comunidade. Máis problemas no sector da automoción, porque Stellantis, que hoxe para o sistema que monta as furgonetas, quere negociar un reaxuste no persoal da queda da noite. no primeiro día de rebaixas nas marcas de Inditex, hoxe hai folga das dependentas da Coruña. E mellora das comunicacións en Santiago. Entra e servizo o chamado enlace orbital que conecta a AP-9 coa A-54 que sube ó aeroporto. Deportes. O Burela volve proclamarse campión campión da liga feminina de fútbol sala.

O Congreso e o Parlamento galego debateron hoxe sobre o novo modelo de financiamento autonómico. Nas dúas cámaras, o BNG demandaba un sistema propio e singular ó entender que Galicia recibe menos do que recada. 

E delegados da CIG de máis de 20 empresas auxiliares da automoción culpan a Stellantis de non contar con eles nos seus plans de futuro. A empresa vén de anunciar que volverá parar parte da súa produción nas quendas de tarde e noite de mañá.

O novo modelo de financiamento autonómico foi obxecto de debate esta mañá no Congreso e no Parlamento. Nas dúas cámaras, o BNG dirixiuse ó Goberno e á Xunta para demandar un sistema propio e singular ó entender que Galicia recibe menos do que recada. Néstor Rego falou no congreso de expolio.  

O presidente Pedro Sánchez dixo que se atenderán as singularidades pero respetando a igualdade. No Parlamento, Alfonso Rueda, que se proclama xefe da oposición ó Gobenro central, rexeita tratos singulares.

A dirección provincial do PSOE xa ten a proposta de expediente disciplinario dos edís socialistas de Santiago que romperon a disciplina de voto na normativa das vivendas de uso turístico. 

A executiva pide o cesamento dos seus cargos de confianza.

- En Fisterra, Alternativa dos Veciños abrirá a semana que vén un expediente de expulsión contra a alcaldesa se lle devolve as competencias ao que era tenente de alcalde, do seu propio partido.

-Os hospitais de Santiago pecharán este verán 112 camas, entre o Clínico e Conxo. Desde a Asociación de Pacientes denuncian a falta de previsión de Sanidade

-Persoas con parálise cerebral percorren Sada pra buscar puntos negros de accesibilidade. Unha iniciativa de ASPACE co obxectivo de crear unha guía do municipio e ofrecer propostas de mellora ao concello

Tras moitos anos de desencontros a Xunta e o concello de Vigo abren unha vía de diálogo. Houbo que agardar nove anos a que o alcalde e o presidente do executivo galego se reuniron, pero a dicir dos dous, o encontro foi moi constructivo.

Un galego, o presidente do Consello Consultivo, está entre os designados polo PP para formar parte do Consello Xeral do Poder Xudicial.

accidente grave na autovía do Salnés. Unha muller faleceu no choque entre os coches. Era a ocupante dun turismo que entrou na vía en sentido contrario.

Deportes. Tamara Echegoyen é a principal candidata a figurar como abandeirada nos xogos olímpicos de París. En fútbol, Racing e Deportivo coñecerán hoxe o seu calendario de Liga.

O tempo. Hoxe continuaremos con aire frío nas capas altas da atmosfera, polo tanto mantense a inestabilidade