Galicia Informativos

Fin das vacacións e volta ás aulas para máis de 300 mil alumnos galegos. Con visita especial no caso dos do colexio Plurilingüe Camiño Inglés de Sigüeiro, no concello de Oroso. Alí está hoxe a Raiña Letizia. Percorre arestora as aulas dun centro premiado pola innovación, os esforzos educativos en dar unha ensinanza práctica e que non deixa de lado problemas do mundo actual como a defensa da ecoloxía. Antes desta visita houbo protesta da CIG en contra dos recortes en educación, para pedir melloras para docentes e alumnado. Para evitar situacións como a que viven nun colexio de Rábade onde, por falta de profesorado, os niveis de 4º e 5º de primaria teñen que compartir aula - Os partidos da oposición estiman que a capacidade de xestión do goberno da Xunta xa está esgotada. Consideran que a convocatoria de eleccións autonómicas non depende do interés xeral senón do que lle conveña ó Partido Popular. - O alcalde de Ourense critica que os partidos da oposición no concello non condenen a agresión do editor de La Región. Pérez Jácome atribúe este silencio ao "medo" ao grupo xornalístico e ó desprezo á súa figura como rexedor. - En Foz mantense a recomendación de non beber nin utilizar na cociña a auga da traída. Dende primeiros do mes de agosto o concello realiza controis da auga cada dous días pero os resultados aínda non son positivos. - Ecoloxistas en Acción denuncian á mineira de San Finx ante a Relatora Especial da ONU polo uso de denuncias abusivas e infundadas. A organización medioambientalista advirte que nin querelas nin outro tipo de ameazas farán cesar as súas denuncias.

Resumen actualidad informativa de la provincia de Ourense presentado por Marta Landeira e Carlos Cerecedo.

A noticia hoxe é, sobre todo, unha, pero afecta a máis de 133 alumnos do ensino obrigatorio e bacharelato. Un curso que este ano empeza na provincia con tres centros educativos menos, en Laxe, Padrón e Vimianzo.

Ademais, en Oroso, ás once e media, visita da raíña Letizia para compartir este regreso ás aulas.

Este luns está marcado no calendario das familias galegas....Toca madrugar a milleiros de estudantes: comeza o curso nas distintas etapas educativas... desde infantil á universidade. A raíña Letizia prticipará na apertura da actividade nun colexio de Oroso.

Este domingo deixanos dous accidentes mortais en Cambre e Silleda e Baiona está controlado o incendio que calcinou boa parte das instalacións da empresa Viveiros de Sabarís. Non houbo danos persoais. O tempo.

Mantense a inestabilidade aínda que a semana comeza en baixo influencia feble das altas presións .

Bo día no que temos que falar dun problema no que Galicia está a cabeza... o suicidio. Temos as peores taxas, por enriba da media nas catro provincias con Lugo á cabeza. Dende Ourense é noticia a acusación do alcalde Gonzalo Pérez Jácome contra o editor do periódico La Región. Di que lle deu un puñetazo. Son algunhas das novas na xornada previa ao comezo de curso escolar no ensino obligatorio

Abrimos tempo para a entrevista...hoxe o noso convidado é o novo portavoz do grupo parlamentario popular, Alberto Pazos