Noticias de Coruña - Novas de Coruña en Radio 5

Presentado por Silvia Muiña

Noticias de Galicia en Radio Nacional y Radio 5 de Rtve

Con Xosé Manuel García

Os sindicatos médicos prepáranse pra unha nova rolda de contactos co SERGAS. OMEGA e SIMEGA volverán reunirse de novo esta semana coa consellería de Sanidade.

Mentres, no hospital do Barbanza, continúa o peche pra protestar polas listas de agarda.

Asuntos dun domingo no que falamos tamén de enerxía renovable e da situación dos autonómos en Galicia. Hoxe entrevistamos ó presidente de UPTA, o galego Eduardo Abad.

No tempo da entrevista hoxe o convidado é o presidente da Unión Profesional de Traballadores Autónomos. Con el fala Manuel Gutiérrez da Silva.

Os Puntos de Atención Continuada de tódalas áreas sanitarias de Galicia abriron hoxe por primeira vez un sábado pola mañá. É un dos puntos de actualidade informativa nun día no que falamos tamén de vivenda e de baixas laborais. Hoxe está na Coruña a ministra de Traballo, Yolanda Díaz.

Mentres, PP e PSOE volven cruzar reproches arredor da moción de censura en Lugo.

E celebramos, tamén en Galicia, o Día contra o Acoso Escolar.

A banda de rap viguesa 'Rebeliom do Inframundo' celebra o vindeiro venres na Capitol de Compostela un concerto único de peche de ciclo no que contará con máis de dez artistas convidados, como Fillas de Cassandra ou Hard GZ.

Tamén están inmersos na promoción do seu novo álbum, 'Orgulho', onde poñen as raíces galegas no centro do seu rap afiado e crítico. De todo isto e da escena urbana actual fala con eles nos seguintes minutos Érika Martínez.

Máis dun cento de contactos estreitos da rapaza de 11 anos falecida en Ourense cun cadro sospeitoso de meninxite están xa a recibi-la profilaxe preventiva. É parte do protocolo cando se detectan casos desta enfermidade pouco común, pero moi grave... contra a que hoxe se incorpora ó calendario unha nova vacina.

- UGT e Comisións reclaman "dereitos e non trincheiras" nunha xornada de loita por salarios dignos, vivenda e democracia

- A CIG leva a Lugo ó seu acto central contra a deriva golpista e autoritaria do Partido Popular

- Os polbeiros inician unha veda de dous meses con incerteza sobre a próxima campaña, tras pechar unha das peores dos últimos anos

- No tempo, algún chuvasco pola tarde... e tamén a fin de semana

Comeza maio, día do traballador que en Galicia terá a manifestación principal da CIG en Lugo, unha novidade derivada da situación política na cidade. Pola súa banda, Comisións Obreiras e UGT realizarán marchas conxuntas, a principal na Coruña.

Venres no que as novas das últimas horas pasan polo sanitario. O Sergas xa identificou máis dun centenar de contactos estreitos da menor falecida en Ourense por meninxite.

Todo nunha xornada na que entra en vigor o polémico acordo de libre comercio da Unión e Mercosur; en Galicia, o sector da carne e o leite insisten nas malas novas que supón este acordo tralos peches de granxas nos últimos anos.

Nos deportes, partido esta tarde en Riazor entre o Deportivo e o Leganés.

O Concello de Lugo acolle o último pleno ordinario antes da moción de censura que se debaterá a semana que vén. O salón tivo que ser desaloxado despois de que entrasen algúns dos manifestantes que antes da sesión se concentraron ás portas do Consistorio.

Ademais, o SERGAS informa do falecemento dunha nena de 11 anos en Ourense con sospeita de meninxite.

E a plataforma de vítimas do Alvia pide a nulidade da absolución do ex-xefe de Seguridade de Adif.