Galicia Informativos

O Grove estuda restrinxir a presenza de autocaravanas que lle están a ocasionar un serio problema de xestión.O concello sinala que non ten espazo físico para todas nin medios pro tratamento das augas fecais ou o lixo que xeneran. ADEGA denuncia grandes plantacións ilegais de eucalipto no Xistral. Calcula que abarcan dúascentas hectáreas e piden as administracións que obriguen a restaura-lo terreo. Preto de mil traballadores incorpóranse hoxe ó dispostivo contra incendios. Son operarios fixos discontinuos, que traballan para a Xunta seis meses ó ano. Eles reclaman un vínculo laboral permanente, e non só de maio a outubro. A empresa do Porriño Maderas Iglesias, con 170 traballadores, podería entrar en liquidación nos vindeiros días. O comité de empresa culpa ás 5 entidades bancarias ás que a firma lles debe 4 millóns de euros. O tempo. Máis inestabilidade con risco de treboadas, iso sí con temperaturas altas e sensación de bochorno

As novas da provincia de Ourense presentadas por Marta Landeira e Carlos Cerecedo

A cordialidade nas formas non evitou que Alfonso Rueda e Gómez Besteiro puxeran en evidencia as profundas diferencias entre o Goberno e a Xunta. Foron todo discrepancias... non estiveron dacordo nin a forma de comparecer ante os medios.

Mañá, unha nova oportunidade pra alcanzar un acordo entre sindicatos e patronal do transporte de viaxeiros por estrada ue permita a desconvocatoria da folga prevista a partir do luns.

Deportes. O Celta xoga hoxe un novo partido de Liga en Xetafe. Unha oportunidade pra certificar a permanencia

Encontro institucional esta tarde en Santiago entre os representantes da Administración Autonómica e da Central. Alfonso Rueda e Xosé Ramón Gómez Besteiro celebraron a que foi a primeira reunión institucional despois de que se producira o relevo na delegación do goberno. A lei do Litoral dentrou boa parte dun encontro polo demáis cordial. E tamén esta tarde estamos moi pendente do novo encontro entre a patronal do transporte de viaxeiros por estrada e os sindicatos dos condutores. Se non se producen avances -ainda non rematou- hai convocada nova xornada de folga o proximo luns.

Reunión esta tarde pra tratar de evitar unha folga indefinida no transporte de viaxeiros por estrada. Un novo encontro coa mediación do consello galego de relacións laborais que trata de fixar uns mínimos comúns pros catro convenios provinciais, ata o de agora con grandes diferencias en temas coma xornada, categorías ou salarios. As posicións están especialmente distanciadas neste último capítulo.

Outra folga planea sobre o servizo da limpeza de Santiago, neste caso por incumprimentos en cuestións coma a organización do servizo, a conciliación ou a eliminación da bolsa de traballo. Coincidirá coas festas da ascensión.