A sombra da moción de censura achégase ó concello de Lugo. Todos os ollos en María Reigosa, quen fora concelleira socialista e quen non descarta dar o seu apoio a unha moción liderada polo PP. De contado os detalles nunha crónica municipal que pasa tamén por Ourense, cunha nova acusación na investigación aberta ó alcalde, Gonzalo Pérez Jácome.

Así comezamos un martes no que a cita está ás 10h co pleno do Parlamento, despois de responder na Cámara Alfonso Rueda viaxará a China nunha viaxe con tons económicos e turísticos, coa vista posta nos investimentos para o próxima Xacobeo.

E xa temos sentenza en Abadín: prisión provisional comunicada e sen fianza paro autor confeso da morte de Enrique Bolívar.

Nos deportes, o Deportivo remontou o gol en contra e venceu 3-1 ó Mirandés en Riazor

Empezamos a semana pendentes da regularización extraordinaria de migrantes, comeza o prazo para solicitala de forma presencial, un trámite que se pode realizar nas oficinas de Correos. En Galicia agardan moita afluencia e dubidan de que poida haber esperas longas.

Na Coruña xornada clave no xuízo polo boleto premiado da Primitiva. Está prevista a declaración dos dous acusados.

Ademais pendentes hoxe de Renfe. Consulten a web da compañía se teñen que coller un tren porque hai varias frecuencias canceladas pola falta de maquinistas, especialmente nas liñas do Eixo Atlántico nestas primeiras horas do día.

Nos deportes, partido esta noite en Riazor entre o Deportivo e o Mirandés

Tempo de entrevista... Hoxe recibimos á primeira muller reitora da Universidade de Santiago, Rosa Crujeiras, que vén de tomar posesión no cargo. Con ela conversa Xosé Manuel García

Renfe suspende nove viaxes este luns por falta de maquinistas. Seis afectan á provincia da Coruña.

OS traxectos son os media distancia que unen Vigo coa Coruña con saída ás 5 da mañá, ás oito e ás dez e 35; e pola tarde ás cinco e 16 minutos entre a cidade olívica e Santiago.

En sentido contrario, afectan ós trens con saída da Coruña con destino Santiago e Vigo ás oito da mañá, ás once e ás dúas. Renfe habilita unha alternativa por estrada.

- Folga estatal na compañía de teleservizos ABAI, antiga Atento. En Galicia ten oficina na cidade da Coruña, cun cadro de persoal de 400 empregadas .

-Os usuarios do programa Lecer da Coruña volven hoxe aos cursos no Fórum e no Ágora, despois de meses co servizo suspendido polos incumprimentos da antiga empresa concesaria, Serviplus.

-Na Audiencia Provincial da Coruña, hoxe está prevista a declaración dos dous acusados no xuízo pola Primitiva de 4,7 millóns de euros

Luns 20 de abril, falamos da situación dos doentes de silicose que continúan na loita por conseguir un neumólogo propio, tamén da orquestra do Conservatorio de Música de Ourense, que obtivo un segundo premio nacional esta fin de semana. Ademais, poñemos o foco nas cegoñas en perigo polas grúas da construcción .

No tempo da entrevista, conversamos con Benito García da Asociacion Ecoloxista Galicia Ambiental que participa nun programa europeo para a erradicación da herba da pampa. É unha das prantas invasoras que máis se está expandendo pola provincia.