Galicia Informativos

Setembro comeza con descontos no transporte. Do máis novidoso, os buses interurbanos da Xunta, que dende hoxe saen un 50 por cento máis baratos, igual que o transporte na ría de Vigo e o tren de proximidade na área de Ferrol. Tamén inician o mes con rebaixas os autobuses de cidades como A Coruña, Vigo e Santiago. Neste caso, dun 30 por cento e a conta do Ministerio de Transportes. En canto ó tren, máis de quince mil galegos poden viaxar de balde dende hoxe grazas ós abonos de Renfe. O Goberno avanza ademais que prevé estender eses bonos gratuítos á liña Santiago-Ourense. E completando os anuncios, a propia compañía ferroviaria anunciaba a última hora que vai aumentar a oferta semanal en Galicia con catorce mil prazas máis

Xornada de anuncios pros usuarios do transporte público en Galicia. Os usuarios dos buses que dependen da xunta terán dende mañá un 50% de desconto se teñen abonos ou tarxetas multiviaxes. O goberno galego únese así ás medidas de aforro enerxético aprobadas polo goberno nacional, que no seu caso afectan ó transporte por Ferrocarril. As peticións de abonos triplicáronse, segundo a Ministra portavoz que hai uns minutos anunciaba en VIgo que o traxecto entre SAntigo e Ourense tamén contará con esta vantaxe. Estase tramitando pra que así sexa - O conselleiro de educación desbota as demandas das anpas de aumenta-lo apoio á diversidade Román Rodríguez apela ós bos datos galegos no informe PISA, que avala o sistema educativo galego como o máis inclusivo de España. O BNG propón un programa extraordinario de bolsas anticrise para o inicio de curso. - A conselleira de infraestructuras pon de exemplo ós concellos da marxe dereita da ría de Arousa na súa xestión da auga Concellos nos que é a Xunta quen asume a xestión de abastecemento en alta desde o Ulla. Unha medida que promove a lei do ciclo da auga. Mentres, o Lérez segue baixando, pero confían na chuvia dos vindeiros días pra palialo. - A seca provocará unha caída da produción de pataca da Limia Algo de marta - A Xunta activa un teléfono pra denunciar fraudes de xeito anónimo na campaña da vendima Trátase de evita-la entrada de uva foránea, tanto en parcelas como en adegas, ou a falsificación de etiquetas, entroutras irregularidades

O titular da seca escríbese hoxe con "p" de polémica. A protagonizada nas últimas horas polo concello de Vigo e a Xunta. Botan as culpas mutuamente da situación de desabastecemento que pode sufrir a área olívica malia contar con máis reservas de auga ca outras zonas. En Ourense, non haberá de momento moción de censura contra Jácome, despois de que a dirección socialista desautorizase un pacto co PP. E nos lumes, tres a esta hora na provincia ourensá, pero de evolución favorable

O titular da seca escríbese hoxe con "p" de polémica. A protagonizada nas últimas horas polo concello de Vigo e a Xunta. Botan as culpas mutuamente da situación de desabastecemento que pode sufrir a área olívica malia contar con máis reservas de auga ca outras zonas. En Ourense, non haberá de momento moción de censura contra Jácome, despois de que a dirección socialista desautorizase un pacto co PP. E nos lumes, tres a esta hora na provincia ourensá, pero de evolución favorable.

 

O presidente da Xunta defende o esforzo realizado pola Xunta pra aumentar nun 50% as axudas pra libros e material escolar ante o inicio do novo curso. Tamén recalca que se manteña, en xeral, o número de docentes do pasado ano. Mentres, as familias salientan que o foco debería estar na redución de ratios e a atención á diversidade, un investimento en futuro que sería rendible en termos sociais e económicos.

A polémica polos libros de texto centra a volta á axenda política. Mentres a oposición aposta pola gratuidade, o PP defende o modelo resdistributivo. Ademais, o conselleiro de Educación asegura que este curso se manterá un número de profesores semellante ó ano pasado. A vista posta un día máis nos lumes, agora con dous focos activos en Cenlle e Oímbra, na provincia de Ourense. E cita tamén este martes nos tribunais... Audiencia preliminar polo triplo crime de Valga. Fiscalía e acusación particular piden prisión permanente revisable pro autor confeso da morte a tiros da súa ex parella, a cuñada e a nai de ambas.

 

A pouco máis dunha semana da volta ó cole, as familias teñen por diante un gasto ineludible, o dos libros de texto. BNG e PSOE lamentan que se requira un esforzo así en plena crise de prezos, e reclaman á Xunta a volta á gratuidade.... Un sistema que implantou o bipartito e que estivo vixente ata o 2009, cando o xa ex-presidente Alberto Núñez Feijoo, o eliminu á súa chegada ó goberno. O PP defende que as axudas ás familias con rendas máis baixas, que aumentarán este curso, son máis xustas que unha gratuidade xeralizada.

Polémica polo uso obrigatorio de máscara na Catedral de Santiago. Unha asociación requeriu á Igrexa que retire esa esixencia, por entender que é ilegal unha vez levantadas as restricións da pandemia. Expertos da UNESCO visitan estes días as comarcas de Ferrolterra e Ortegal para avaliar o proxecto de xeoparque de Cabo Ortegal. En crónica de sucesos, hai que lamentar dous falecementos. Un pescador morreu este domingo en Narón logo de caer desde o alto dun cantil, e en Betanzos, outro home perdeu a vuda ao caer ao río Mandeo