Sanidade retrasa dous meses a entrada en vigor do decreto para abrir os PAC os sábados pola mañá. Unha medida que estaba prevista para abril e que foi fortemente criticada polos profesionais sanitarios por considerala inxustificada. Precisamente, hoxe ás portas da consellería de sanidade se concentraban centenares de traballadoras contra ese decreto.

A ampliación das gardas dos sábados nos PAC, que agora se debate na mesa sectorial de sanidade, uniu hoxe en contra a tódolos sindicatos e profesións. Rexeitan un proxecto sen negociación nin compensacion malia ós aumentos das xornadas. Tamén seguen paralizadas as peonadas nos hospitais, cada vez con máis seguemento, á espera de que o Sergas negocie as súas condicións.

Tamén recrudece o conflicto no sector lácteo. Un grupo de gandeiros tirou milleiros de litros de leite en Teixeiro procedentes de Portugal, e centos de produtores manifestáronse en Lugo.

Os Grupos de Emerxencias Supramunicipais denuncian déficit de persoal, deficiencias nas infraestruturas e falta de planificación.

As traballadoras dos grandes almacéns piden melloras salariais e que se garanta o seu dereito a conciliar.

No tempo, algunha nube no norte, pero sen chuvias.

A guerra polos prezos do leite deixa un novo episodio: 15 mil litros derramados hoxe en Texeiro, nunha cisterna procedente de Portugal. O agro galego pide prezos xustos, a partir das dúas e dez escoitaremos ó sector, que esta mañá se concentrou en Lugo.

Todo ás portas dunha fin de semana previa á Semana Santa con moitas citas que repasaremos nos vindeiros minutos, unha das máis relevantes a Reconquista en Vigo

Venres 27 de marzo. 

A actualidade pasa polo pleno da Deputación. Tomará posesión como deputado de Democracia Ourenana Francisco Lorenzo, que substitúe a Jácome. Un pleno no que se debaterá, entre outros asuntos, sobre transporte metropolitano, benestar animal e prevención de lumes. Precisamante Besteiro criticou este xoves dende A Gudiña a política da Xunta nesta materia.

O BNG de Porqueira asegura que as contas non cadran na caixa do consistorio. Algo que negan dende alcaldía, dende onde confirman accións legais contra o grupo nacionalista.

A locomotora histórica da Ponte volve lucir coas súas cores orixinais tras cinco meses de restauración e anos de reivindicación veciñal.

Falaremos ademais de cine con Manuel Precedo. 

Aprobados inicialmente os presupostos de Santiago de Compostela para este 2026, ó saír adiante a cuestión de confianza á alcaldesa Goretti Sanmartín.

A nacionalista recibiu o SI das concelleiras non adscritas, que deron un xiro de guión, ó absterse na véspera durante a aprobación das contas.

O orzamentos, que supera os 148 millóns de euros, continúan o seu trámite centrados no reforzo dos servizos públicos.

-Na Coruña, á unha e media haberá hoxe pleno extraordinario, a petición do partido popular, no que a alcaldesa Inés Rey dará explicacións pola renuncia da cidade a ser sede do Mundial de Fútbol 2030.

-Estabilizado un incendio rural na Laracha dunhas 20 hectáreas. As lapas iniciáronse na parroquia de Caión ás catro da tarde e quedou estabilizado sobre as oito e media.

- Renfe habilita transporte alternativo por estrada para os usuarios de tren da Coruña. A estación pechará o seu servizo esta noite, e durante 16 horas, por obras na estación intermodal

Hoxe volve a normalidade ós centros de saúde tra-la folga convocada pola CIG en Atención Primaria. Agora o sindicato nacionalista é o único que se mantén á marxe da negociación que o resto de sindicatos ten coa consellaría de sanidade.

Agora o conflicto xorde cos novos horarios que o SERGAS pretende establecer nos PAC's, porque ten intención de abri-los os sábados pola mañá.

Un aviso ós que teñan previsto empregar hoxe o tren no eixo atlántico. A estación de tren da Coruña pecha 16 horas, a partir desta tarde, por mor das obras da futura Intermodal.

Renfe ten deseñado un plan alternativo de transporte para hoxe e mañá. Están programados autobuses e taxis para suplir a interrupción en 27 conexións.

Estabilizado un incendio declarado en Caión, no concello da Laracha, despois de queimar unhas 20 hectáreas. Xa sben continúan suspendidas as queimas porque continúa o tempo seco e solleiro, aínda que con temperaturas mínimas baixas.

Vexamos cal é agora a situación nas principais cidades