In die episode deel ek dat die klem van die goeie nuus wat ons deel, nie is om vir mense te vertel hoe om "in die hemel te kom nie", maar dat God die Koning van die heelal is wat in alle mense wil woon en heers. Die goeie nuus is dat ons nou al kan leer om onder sy heerskappy te leef en sodoende, kan ons volledig deel word van sy koninkryk wat besig is om te kom. 

In die episode praat ek oor wat dit beteken om met die gesindheid van Christus te leef. Dissipels is immers mens in wie God kom woning maak het en daarom sal die gesindheid van Christus al hoe meer in hulle lewens sigbaar word. 

In die episode gesels ek oor die uitnemendheid daarvan om Christus te leer ken; ook dat dit 'n proses is wat nooit sal ophou nie, want daar is net te veel om te leer ken en in te neem. Die wat dit ontdek, sien dit as die mees waardevolle aspek van hulle lewens. 

In die episode gesels ek oor presies wat dit is wat alles nuut word. Baie mense ervaar dat dinge nie regtig nuut word nie, omdat hulle die nuutheid op verkeerde plekke soek. 

In die episode praat ek oor die belangrikheid van luister na God. Gebed gaan nie in die eerste plek daaroor om vir God te vertel wat op jou hart is en in te lig oor jou lewe nie. Hy weet alreeds alles wat aangaan. Dit is baie belangriker om te leer luister na wat op sy hart is. 

In die episode dui ek aan watter verskil dit kan maak as jy leer om as dissipel in God se teenwoordigheid te leef. Dit is juis so omdat hierdie wêreld nie maklik is nie en baie uitdagings aan mense stel. Dit sou net eenvoudig dom wees om alles op jou eie te probeer aanpak. 

In die episode verduidelik ek dat die lewe as God se dissipel, sy leerling, die optimum manier van lewe hier op aarde is. God kan jou nooit van iets wat die moeite werd is ontneem of beroof nie; Hy kan jou nooit verarm of bedreig nie. Sy teenwoordigheid voeg net baie rykdom en waarde tot jou lewe toe, egte lewenskwaliteit en lewensvreugde. 

In die episode verduidelik ek dat daar volgens die Bybel in werklikheid geen verskil tussen die twee begrippe is nie. Dit het ongelukkig wel deur die loop van die tyd so geword dat mense verskillende betekenisse daaraan gegee het. In werklikheid is daar geen keuse of opsie om of vir die een of die ander te kies nie. Die wat Christus wil volg, kan Hom net op een manier volg en dit is deur dit heelhartig te doen. 

In die episode verwys ek na Jesus se gewoonte om tyd met die Vader te spandeer om sodoende te hoor wat op die Vader se hart is (Mark. 1:35). In die boodskap het ek per ongeluk verwys na Joh. 1:35, dit moet Markus wees. As dit vir Jesus so belangrik was, dan is dit vir ons nog meer belangrik. Dit is hoe ons verander word deur God se teenwoordigheid en werking in ons, sodat meer van sy karakter en natuur in ons sigbaar kan word. 

In die episode verduidelik ek hoe God ons betrek by dit wat Hy doen op die aarde. Daarom gee Hy vir ons werk waardeur sy Naam verheerlik word. Dit gaan dus nooit in die lewe van 'n dissipel daaroor om 'n "naam te maak" vir jouself nie.