In die episode gesels ek oor die feit dat dit nog altyd op die Vader se hart was en is om BINNE sy kinders te kom woning maak; om ons so volledig deel te gee aan Hom en ons te betrek by dit wat Hy doen. Dit is wat dissipels se lewens kenmerk. 

In die episode verduidelik ek dat iemand wat te haastig praat, maklik net praat vanuit die ego en die self; om eie eer te soek. Mense wat nie uit hulle eie praat nie, maar leer om te deel wat hulle van die Vader hoor, soek nie hulle eie eer nie, maar die van die Vader. Dit is waaroor dit vir dissipels gaan. 

In die episode gesels ek oor die feit dat dissipels energeer word deur die wil van God te doen. Hulle grootste motivering in die lewe is om die werk te voltooi wat Hy vir hulle gegee het om te doen en om só sy Naam te verheerlik. 

In die episode gesels ek oor die basiese ingesteldheid van 'n dissipel, naamlik om NIKS uit jou eie te doen nie; maar eerder net te doen wat jy die Vader sien doen. 

In die episode praat ek daaroor dat ware kennis van God, lei daartoe dat ons al hoe liewer vir Hom raak, opgewonde oor Hom raak. Dit lei ook tot groter selfkennis en daarom dra dit by tot die verlossing van die self en die ego wat alles oor jouself wil laat gaan. 

In die episode praat ek daaroor dat ons almal eintlik dissipels van verskillende dinge is. Dit waarvan ons baie hou, waarvan ons baie leer, waaraan ons baie tyd gee, wat ons opgewonde maak. Dit is ook wat met iemand gebeur wat werklik 'n dissipel van Christus is. Hy word dan die Een waaroor ons opgewonde raak en van wie ons baie leer. 

In die episode gesels ek oor hoe ons as dissipels die voorreg het om ons met Christus te beklee, sodat Hy in en deur ons kan leef. 

In die episode gesels ek oor hoe God na ons kyk en waarop sy liefde vir ons berus. 

In die episode verduidelik ek wat God se doel met die Bybel is en was. As enige mens met verkeerde verwagtinge na die Bybel gaan, sal dit altyd verwarring, verdeeldheid en onmin veroorsaak. 

In die episode gesels ek daaroor dat so baie mense se ongelukkigheid met hulleself en ander, die gevolg is van 'n lewe waar die self nog te ernstig opgeneem word. Die oomblik as jy aanvaar dat die lewe nie oor jou gaan nie, maar oor God, dan word alles makliker.