Gestir hesaferð:

Edith Johannesen - Eigur vælumtókta mynd á View from my window

Andrias Klein Gregoriussen - Veðurstova Føroya

Ólavur Rasmussen - Veitir sálarrøkt til føroyingar, sum sita varðhaldsfongslaðir ella sita longri dóm í donskum fongslum.

Nýný barnaklæðir

Gestir í sendingini í morgun eru Ivaana Mortensen, Johnny í Grótinum, Ása Andreasen og Elisabet Vang.

Í fríggjadagspanelinum vóru Eiler Fagraklett, Símun Samuelsen og Sølva Jansdóttir Joensen.

Minnast tit Elisabet Vang, sum vit tosaðu við fyri nøkrum vikum síðani? Tá var hon í Las Vegas og var júst farin í holt við eitt tíðarskeið við harðari venjing fyri at vaksa um vøddarnar hjá sær. Hon er yrkisítróttarfólk innanfyri bikini fitness.

Nú er tíðarskeiðið í Las Vegas av, og Elisabet er sera nøgd við tíðarskeiðið. Hon hevur ment seg sera nógv, og vøddarnir eru eisini vorðnir størri. Hon hevur tikið seks kilo uppá hesa tíðina.

Í panelinum hesa ferð eru Símun Samuelsen, Sølvá Jansdóttir Joensen og Eiler Fagraklett.

Tey trý halda, at í dag snýr tað seg ikki um at hava tað stuttligt, men at duga best í ítrótti.

- Tað er tí, at rørslugleðin fer, sigur Símun Samuelsen. Sum eisini leggur afturat, at foreldur ikki skulu seta ov høg krøv, tá ið tað snýr seg um ítrótt og børn.

Tað er umráðandi at hava ein leiðara, sum er rúmligur og lurtar, siga Ása Andreassen og Johnny í Grótinum, sum bæði eru virkin til ársins Leiðaradag.

Kl 16:45 fáa tvey eitt nýtt heitið, tí tvær heiðurslønir verða lætnar. Tann eina fer til ein leiðara innan tað privata og hin innan tað almenna.

Seks eru tilnevnd og tey eru:

Innan tað almenna:

- Alexandra á Dul, sjúkrahússtjóri á Klaksvíkarsjúkrahúsið

- Bjarni Johansen, borgarstjóri í Vági

- Leif Abrahamsen, stjóri á Gjaldstovuni

Innan tað privata:

At broyta vanar og hugburð er ofta trupult, men av og á er tað neyðugt. Hjá nógvum føroyingum er tað ein sannroynd, at pengarnir ikki røkka til tað, teir gjørdu fyrr, og tað merkir, at vit mugu hugsa eitt sindur øðrvísi, tá vit skulu fylla køliskápið.

Snorri Patursson, føðslufrøðingur, gevur í fyrsta umfari tey ráð, at vit skulu hyggja nærri at almennu kostráðunum, tí har verður mælt til at vit eta meira grønt og grovt.

Ráðini eru nógv, og teirra millum eru, at børn skulu hava minst ein frídag um vikuna, har tey ikki eru til skipaða ítróttavenjing, at børn ikki skulu avmarka seg til eina einstaka ítróttagrein áðrenn tey í minsta lagi eru tannáringar, og at foreldur hjálpa teimum at skipa vikuna, soleiðis at venjingarnar ikki vera alt ov nógvar samanlagt, um barnið íðkar fleiri ítróttagreinar.

Keypsmynstrini í føroysku matvøruhandlunum eru broytt. Alt er vorðið dýrari seinasta árið orsakað av inflatiónini, og tað er vorðið dýrari hjá matvøruhandlum at keypa inn.

Tí er sølan dýrkað eisini. Hetta ávirkar keypsmynstrini, og hvussu og hvat fólk keypa.

Millum annað keypa fólk meira tilboðsvørur nú, og fleiri keypa eitt sindur meira inn undir seg av tilboðum, sum halda sær leingi ella kunnu frystast.

Harafturat keypa fólk meira av grovum grønmeti, sum hevur betri haldgóðsku enn fínt grønmeti. Til dømis røtur og annað heldur enn salatbløð.

Gestir í sendingini eru Andrias Klein Gregoriussen, Bassi Haraldsen, Súsanna Poulsen, Snorri Patursson, Petur Mittún

Børn og ítróttarskaðar.

Seinastu árini er hetta blivi ein alsamt vanligari trupulleiki.

- Fyrr sóu vit ung um 15-16 ár við ymiskum ítróttarskaðum, men í dag er als ikki óvanligt at síggja børn niður í 12 ár, sum hava onkran skaða at dragast við orsakað av ov nógvari venjing.

Soleiðis sigur Niklas Reginsson, fysioterapeutur, sum saman við øðrum eigur og rekur klinikkina NB Fysioterapi.

Eitt nú kemur tað javnan fyri, at børn, sum íðka nógvan ítrótt, hava trupulleikar við knøunum.