- Eg var so hugtikin av Føroyingasøgu og um túrin hjá Sigmundi um Suðuroyarfjør, at eg vildi sjálvur gera eina roynd at svimja teinin.

Soleiðis sigur Birgir Enni, sum fyri 49 árum síðani svam úr Stóru Dímun til Sandvíkar í Suðuroy.

- Eg var móður, tá eg kom upp á turt, men eg var í toppformi tá, so ansperri merkti als einki til, sigur Birgir Enni.

Í morgunsendingini fortaldi Birgir Enni um hugskotið og sjálvan túrin um Suðuroyarfjørð.

Borgarstjórin, Jógvan Kruse, lovar, at okkurt er til øll, tí skráin bjóðar 71 tiltøk, ið fevna um alt frá renning og súkkling, til trillubørukappingar, listaframsýningar og tónleik.

- Kommunan sjálv skipar bara fyri trimum tiltøkum, og hinum skipa bygdafólkini fyri hvør í sínum lagi, leggur hann afturat.

Hoyr fuglafrøðingarnar, Silas Olufson og Jórun Pólsdóttir, greiða frá.

Heilsugóður og fjølbroyttur matur.

Tað er tað, sum tey í Frískúlanum á Velbastað leggja seg eftir, tá keypast skal inn til matin, sum næmingar og starvsfólk eta hvønn dag á døgurða.

Í Frískúlanum hava hvørki børn ella starvsfólk matpakka við. Hvønn fyrrapart byrja nakrir næmingar at fyrireika og gera matin, sum tey eta á døgurða. Ein leistur, sum í allar mátar riggar væl, sambært skúlaleiðaranum, Agnieszka Lach Johannesen:

Skansin hevur eina stóra uppgávu á áskoðaraplássinum. Tey skipa fyri stuðilsrópunum og stuðla soleiðis leikarunum á vøllinum.

Týsdagin 31. august 2021 svumu havsvimjarar úr svimjibólki úr Havn um Suðuroyarfjørð úr Stóru Dímun til Sandvíkar.

Svimjararnir vóru Erling Eidesgaard, Jon Hestoy, Oluf Færø, Erling Høgnesen og Niels Juel Arge. Erlendur Simonsen svam partar av teininum.

Leiðin, ið svomin varð, er helst sama leið, ið Sigmundur Brestisson sambært Føroyingsøgu svam fyri góðum 1000 árum síðani, tá ið teir flýddu undan Tróndi í Gøtu.

- Eg visti als ikki av, at eg hevði eitt alt ov høgt blóðtrýst. Var eg ikki farin til læknan, so hevði eg ongantíð vitað av tí, og so kundi kanska gingið heilt galið.

Orðini eigur Steinbjørn V. Olsen. í fleiri ár hevði hann ov høgt blóðtrýst

Ráðini frá læknanum vóru púra greið: Steinbjørn skuldi røra seg meira í gerandisdegnum, og royna at eta heilsubetri. Og tað riggaði.

- Í dag taki eg so at siga ongan heilivág fyri blóðtrýstið, og eg venji seks dagar um vikuna. Eg havi tað upp á allar mátar betri, sigur Steinbjørn V. Olsen.

Ein nýggj kanning frá heimsheilsustovninum WHO vísir, at seinastu 20 árini er talið á vaksnum fólkum við ov høgum blóðtrýstið tvífaldað.

Sætti hvør, ella umleið 1,2 milliardir fólk í heimshøpi hava ov høgt blóðtrýst.

Jan Rasmussen, hjartalækni, er í útvarpsstovuni og greiðir frá, hví tað ikki er gott fyri heilsuna at hava eitt blóðtrýst, hvat eitt ov høgt blóðtrýst er og hvat tú sjálv ella sjálvur kanst gera fyri at hava eitt vanligt blóðtrýst.

Gestir hesaferð:

Meinhard Nielsen

Steinbjørn V. Olsen

Jan Rasmussen

Erling Ejdesgaard

Oluf Færø

Ásbjørn Nattestad

Johan Ásmundsson

Meinhard minnist sum smádrongur, at har lá ein tungur bláur steinur í vindeygakarminum á hvalastøðini í Lopra. Hann spurdi pápan um steinin.

Pápin fortaldi, at einaferð, hann var farin útum, hoyrdi hann súsan í luftini og sá at okkurt datt niður frammanfyri støðina. Hann fór at grava í holinum. ið var komið í jørðina framman fyri støðina. og fann henda tunga bláliga steinin. Steinurin varð reinsaður og settur í vindeygakarmin.