Morgunsendingin hittir Tórunn Sjóvará Joensen og Gunn Mikkelsen, ið eru lærarar og Konny Zachariasen, námsfrøðing. Tær eru allar fyrrverandi næmingar í Nonnuskúlanum.

Tær eru á einum máli um, at ein serstøk mentan er í skúlanum. Tey smærru børnini hava greiðar rammur, og tað dámar teimum sum heild væl. So hvørt tey blíva størri, fáa tey eisini størri frælsi.

Tær trígga, at skúlin er eitt gott arbeiðspláss, og fleiri hava høgan starvsaldur.

Á heimasíðu skúlans verður tikið saman um soleiðis:

Luttakarar í sendingini:

Hanus Kjølbro

Gunn Mikkelsen

Konny Zachariasen

Tórunn Sjóvará Joensen

Pól Johannesen

Rasmus Steintórsson Biskopstø veit tað, ið vert er at vita um føroysku busssteðgistøðini, tí hann fekk uppgávuna frá Strandfaraskipum Landsins at skráseta tey øll.

Í tí sambandi hevði hann eina PechaKucha framløgu undir heitinum "Eitt steðgistað og annað".

Hon kann síggjast á hesum leinki.

Í góð 30 ár hevur Annika Weihe Gregersen rikið handilin Shop-In, sum er á Glyvrum. Ta fyrstu tíðina rak hon handilin saman við mammu síni, men tey síðstu 15 árini hevur hon sjálv staðið fyri øllum.

- Eg havi hugsað leingi um at gevast. Handilslívið er strævið, og eg orki snøgt sagt ikki meira, sigur Annika Weihe Gregersen. Fólk eru kedd um, at handilin letur aftur. Gjøgnum árini hava tað verið ómetaliga nógvir góðir og stuðlandi kundar, leggur hon afturat.

At taka dagar ímillum ítróttarbrøgd er trupult, men eitt av stóru einstaklinga-avrikunum í føroyskari ítróttarsøgu var framt síðsta vikuskifti.

Tá rann Hallur Holm, 233,4 kilometrar í 24 tíma ultrarenning í Taipei í Taivan.

Eftir ein drúgva ferð er Hallur Holm nú aftur heima í Føroyum. - Eg blívi við at síggja breytina fyri mær, sigur hann.

Gamla metið var 223 kilometrar, men hesa ferð legði Hallur góðar 10 kilometrar aftrat.

Hann er sera væl nøgdur við renningina, men heldur kortini, at hann gera tað enn betur.

Gestir:

Turid Lakså

Annika Weihe Gregersen

Rasmus S. Biskupstø

Hallur Holm

Nærvera og tíð.

Hesi eru lyklaorðini, tá tð snýr seg um at gera desember til ein barnavinarligan mánað, heldur Sára Gullfoss, heilsufrøðingur í Gigni.

Fyri flestu familjur er desember eitt tíðarskeið við nógvum tiltøkum, jólaveitslum, sangløtum, jólagávuinnkeypi og nógvum afturat. Tí kann mánaðurin lættliga blíva strævin fyri bæði børn og vaksin.

Ein speisk viðmerking, ein óheppin mynd ella eitt óhóskandi videobrot á einum sosialum miðli.

Tað, sum starvsfólk gera á sosialu miðlunum, kann hava stórar avleiðingar fyri arbeiðsgevaran.

Og júst tí eiga arbeiðspláss at hava reglur og mannagongdir fyri, hvussu starvsfólk bera seg at á til dømis Facebook og Instagram.

Tað halda Jórun Gardar og Alvi Hjelm, sum eru ráðgevarar í Vinnuhúsinum. Herfyri hava tey havt kunningarfundir um, hvussu arbeiðsgevarar eiga at fyrihalda seg til starvsfólk og teirra brúk av sosialum miðlum.

- Hetta er nakað, sum fólk hava eina meining um, og tað rørir tey veruliga. Tað hábærsliga við føroysku klæðunum og allar kenslurnar, sum fylgja við, er tað, sum gav okkum hugskotið, sigur Tóra Effersøe Mortensen, blaðstjóri á Kvinnu.

Eingin reglugerð er, sum sigur, hvussu føroysku klæðini skulu síggja út, og tí er rákið, at fólk gerast sera kreativ, tá tey seta sær saman stásið.

Gestir hesaferð:

Hanus Kjølbro

Alvi Hjelm

Jórunn Gardar

Tóra E. Mortensen

Sára Gullfoss