Hugskotið til jólavognin eigur Sigrid Petersen, sum starvast í FK í Fuglafirði, og í stuttum snýr tað seg um, at tað er øllum viðskiftafólkum frítt at keypa okkurt at leggja í vognin. Serliga verður hugsað um jólaligar vørur, sum til dømis tilfar til bakstur ella jólamat, men í vogninum vóru eisini til dømis blæur, sjampo og te at síggja.

Tá vognurin er fullur, verður vøran pakkað niður og givin Reyða Krossi, sum síðani gevur víðari til teirra, sum fáa mathjálp frá teimum nú um jólini.

Gestir:

Hanus Kjølbro

Randi Waag Jacobsen

Hallur Joensen

Tá Ruth Thomsen var mitt í tjúgunum gjørdi ein eygnasjúka, at hon misti sjónina. Hetta var ringt at viðurkenna, og tað gingu mong ár, áðrenn Ruth góðtøk nýggju støðuna. Tað var tilgongdin, at hon fekk førarahund, sum setti gongd í viðurkenningina.

Tað er svárt ikki at síggja alt tað vakra á jólum, men allíkavæl kann Ruth síggja nógv fyri sær, tá hon fær tað sjóntulkað. Myndirnar frá hennara ungu árum standa enn klárar í minninum, og tað fær hon brúkt, tá hon skal ímynda sær tað, sum hini greiða henni frá.

Gestir hesaferð:

Hanus Kjølbro

Jógvan Hansen

Ruth Thomsen

Klokkan tvey í nátt føroyska tíð fór Hallur Holm undir 24 tíma renning í Tapei í Taivan.

Føroyski ultrarennarin er tikin út til danska landsliðið og er sostatt fyrsti føroyingur nakrantíð, sum tekur lut í heimsmeistarakapping í frælsum ítrótti.

Systir Hall, Borgarhjørt Holm, er hjálparfólk hjá Halli.

Hon sigur, at beiggin hevur eina vón um at taka sítt egna met, sum er 223 kilometrar.

Fylg við beinleiðis á hesum leinki

Petur Mohr Dam var borin til eitt ríkt kongsfesti í Kollafirði, og vaks upp í einum tryggum handilshúsi í Skopun, men misti pápa sín sum lítil óviti og mátti seinni, eftir langa sjúkralegu, siga kongsfestið frá sær.

Handilin mátti steingja, so alt húskið var rakt av fátækradømi og stórari neyð.

Petur Mohr beit saman tenn, smoygdi seinni sínar ermar upp og herjaði kompromisleysur móti armóð og órætti.

Soleiðis verður sagt´í tíðindaskrivi í sambandi við ævisøguna Petur Mohr Dam - Føroya sociali arkitektur, ið Virgar Dalsgaard hevur skrivað.

Gestir:

Cecilia Nolsøe

Andrias Gregoriussen

Ólavur Simonsen

Borgarhjørt Holm

Synnøve av Rana

Súsanna Joensen

Ragnhild Ellingsgaard

Tá Annika Maisonsdóttir Mellemgaard í 2020 flutti aftur til Klaksvíkar eftir at hava búð uttanlands í fleiri ár, saknaði hon at kunna gera ítriv saman við ymiskum kvinnum í øllum aldri.

Tey frítíðartilboðini, henni dámdi, vóru ikki í Klaksvík, so hon tók av sínum eintingum stig til eitt nú gangitúrar, saunagos, dipping og annað. Í dag eru omanfyri 700 kvinnur virknar í felagsskapinum.

Fyri júst at hava tikið stig til tey ymisku ítrivini er Annika Maisonsdóttir Mellemgaard nú at finna í donsku bókini "Kvindernes og Kønsminoriteternes blå bog 2023/2024".

Gestir hesaferð:

Páll Danielsen

Turið Poulsen

Annika M. Mellemgaard

Hjálmar Dam

Cecilia greiðir frá, hvussu tú fært yvirlit yvir eginbúskapinum