Kappingin verður skipað sum opin kapping fyri allar dagstovnar, fólkaskúlar og miðnámsskúlar.

Eitt lesiátak kann vera at skipa fyri lesibingo, evnisdagar um eitt verk, at skipa lesiringar, at gera poddvarp um bøkur, bókasavnsvitjanir, lesimarathon, at gera sjónleik, sang ella annað burtur úr søgum ella okkurt heilt annað. Bara hugflogið setur markið.

Gestir hesaferð:

Turið Laksá

Eyðbjartur Skaalum

Svend Aage Madsen

Eilen Anthoniusen

Klamydia, herpes, kynsvørtur og gonore.

Hesar eru nakrar av vanligastu kynssjúkunum í Føroyum. Serliga klamydia og gonore er javnan at síggja millum tey ungu, sum eru millum 15 og 24 ár.

Sjúkueyðkennini eru ymisk, og somuleiðis eru viðgerðarhættirnir ikki eins.

- Seinastu árini hava vit sæð alsamt fleiri tilburðir av gonore, sigur Gunnhild Helmsdal, kommunulækni.

Í morgunsendingini greiðir Gunnhild Helmsdal frá kynssjúkum, sjúkueyðkennum og viðgerð. Harafturat svarar hon spurningum frá lurtarum.

Drós Ragnarsdóttir hevur í sambandi við útbúgvingina í ítrótta- og venjingarsálarfrøði kannað, hvussu áskoðaraatferð og kyn hanga saman og hvussu atferðin hjá áskoðarum ávirkar avrikið hjá kvinnuligu hondbóltsspælarunum, sum vóru við í kanningini.

- Kvinnurnar ynskja heilt greitt, at fáa tann hýrin í høllina, sum er, tá hon er full, soleiðis at rópini dríva tær framá. Men tað vísir seg at áskoðarar hava lættari við at rópa eftir monnum - kanska tí teir tola meira av kroppsliga á vøllinum. So gerast fólk meira íðin at rópa.

Gestir hesaferð:

Turið Laksá

Magnus Thomsen

Drós Ragnarsdóttir

Gunnhild Helmsdal

Vit kenna øll lagið um hundin Snar, sum gongur runt í býnum sum eitt ólukkudýr og leitar eftir mati.

Beinir Troest Rasmussen var ein av liminum í bólkinum, Kular Røtur, tá Vov vov og onnur løg hittaðu.

Men nú er barnastjørnan blivin vaksin og er farin til Danmarkar at royna eydnuna sum tónleikari.

Higartil hevur tað gingist væl. Staklagið Greener hevur fingið nógvar rósur frá donsku ummælarunum, og hetta hevur givið unga runavíkinginum blóð uppá tonna.

Um skamma stund kemur fyrsta heildarútgáva hansara út.

Gestir:

Hanus Kjølbro

Beinir Troest Rasmussen

Gunnar Nolsøe

Susanne Barding

Frá 1970 til ´72 var antropologurin, Susanne Barding, á vísindaligari kanningarferð í Berneray á Hebridunum.

Nú, góð 50 ár seinni, er bók komin út, sum ógvuliga neyvt lýsir bygdalívið í Berneray.

Enska heitið er: ´Tis 50 Years Since - a Study of Life in a Hebridean Island Community.

Hon er góðar 600 síður, og fleiri enn 100 samtíðarmyndir eru í henni.

Høvundurin hevði ikki verið aftur í Bernarey øll hesi árini, men í sambandi við útgávuna vitjaði hon aftur. Tað var eitt heilt øðrvísi samfelag, ásannar Susanne Barding.

- Vit ganga og mala um beinini á hvørjum øðrum dag út og dag inn, so vit kennast rættiliga væl.

Soleiðis sigur Heri Joensen, sum saman við Bergi D. Joensen hevur verið sóknarprestur í Suðurstreymoyar vestara prestagjaldi í 25 ár. Hetta bleiv hátíðarhildið við serstakari gudstænastu í Vesturkirkjuni sunnudagin.

- Eg havi ofta nógv hugskot og havi kanska lyndi til at fara eitt sindur upp at flákra, og tá er gott, at Heri kann hála meg eitt sindur niður á jørðina aftur, sigur Bergur D. Joensen.

Gestir hesaferð:

Hanus Kjølbro

Bergur Debes Joensen

Heri Joensen

Jutta Helgadóttir